Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Rais Dkt. Mwinyi Aelekea Jijini Dodoma Kuhudhuria Kikao cha Kamati Kuu ya Halmashauri Kuu ya CCM Taifa

Waziri Mkuu Amwakilisha Rais Samia Japan

Waziri Mkuu, Kassim Majaliwa ameondoka nchini leo (Jumamosi, Septemba 24, 2022) kwenda Tokyo, Japan ambako atamwakilisha Rais Samia Suluhu Hassan kwenye mazishi ya kitaifa ya Waziri Mkuu mstaafu wa nchi hiyo, Bw. Shinzo Abe.

Taratibu za kutoa heshima za mwisho zinatarajiwa kufanyika Jumanne, Septemba 27, mwaka huu kwenye ukumbi wa Nippon Budokan. Waziri Mkuu huyo mstaafu aliuawa Julai 8, mwaka huu kwa kupigwa risasi akiwa kwenye mkutano wa kampeni za kisiasa katika jiji la Nara nchini humo.

Rais Dkt. Mwinyi Akutana na Kuzungumza na Ujumbe wa Taasisi ya Afro – Asian Union Kutoka Misri

Mke wa Rais wa Zanzibar Aongoza Wanamichezo Kufanya Mazoezi ya Viungo

Mhe. Kapteni Mstaafu George Mkuchika Azindua Mwongozo wa Utekelezaji wa Shughuli za Ustawi wa Jamii

Na WMJJWM, Dodoma


Akizindua mwongozo huo kwa niaba ya Waziri Mkuu Mhe. Kassim Majaliwa, Waziri wa Nchi Ofisi ya Rais Kazi Maalum, Mhe. Kapteni Mstaafu George Mkuchika amesema, Waziri Mkuu Mhe. Majaliwa amezitaka Wizara zinazohusika na utekelezaji wa Mwongozo wa Mpango Kabambe wa Afua za Ustawi wa Jamii kuhakikisha zinasimamia urasimishwaji na utekelezaji wa mwongozo huo katika jamii.


Hayo yamebainika wakati wa uzinduzi wa Mwongozo huo uliofanyika leo Septemba 23, 2022 jijini Dodoma ambapo Mhe. Mkuchika ameeleza kuwa utekelezaji wa Afua za Ustawi wa Jamii ni suala mtambuka linalotekelezwa na Wadau tofauti hivyo mwongozo huo utatumiwa na Wadau wa kisekta wanaotoa Huduma za Ustawi katika kuhakikisha Mipango na bajeti zao zinaakisi Mipango na vipaumbele vya Serikali.


“Mwongozo huu pia utasaidia katika upangaji wa Mipango, bajeti pamoja na upatikanaji wa taarifa mbalimbali zinazowahusu watoto, watu wenye ulemavu, wazee na Makundi Maalum” amesema  Mhe. Mkuchika.


 Ameongeza kuwa utekelezaji wa mwongozo huu utachochea kwa kiasi kikubwa kasi ya utoaji na upatikanaji wa Huduma Bora za Ustawi wa Jamii kwa Makundi Maalum na hivyo kujenga mustakabali imara wa Jamii ya kitanzania katika kufikia matarajio yao.


Aidha, Mhe. Mkuchika amesema mwongozo huo utaimarisha mfumo wa ukusanyaji wa takwimu za Huduma za Ustawi wa Jamii na kujumuishwa katika mfumo wa kidijitali wa mipango na taarifa.


Ameziagiza pia Sekretarieti za Mikoa na Mamlaka za Serikali za Mitaa kukusanya takwimu na kuandaa mipango na bajeti za Ustawi wa Jamii kwa mujibu wa mwongozo huo.

Serikali Inatambua Mchango Uliotolewa na Balozi Rupia – Majaliwa

Waziri Mkuu, Kassim Majaliwa amesema Serikali inatambua mchango mkubwa uliotolewa na marehemu Balozi Paul Rupia wakati wa utumishi wake na hata baada ya kustaafu.

“Moja ya jambo ambalo halitasahaulika ni uthubutu wake wa kuanzisha Benki ya Watu wa Dar es Salaam (DCB) ambayo alikuwa Mwenyekiti wake na hadi  anaondoka katika uongozi aliicha benki hiyo ikiwa na matawi manane na moja kati ya hayo likiwa jijini Dodoma.”

Mheshimiwa Majaliwa amesema hayo leo Ijumaa (Septemba 23, 2022) alipomuwakilisha Mheshimiwa Rais Samia Suluhu Hassan katika kuuaga mwili wa marehemu Balozi Paul Rupia katika viwanja vya Karimjee Jijini Dar es Salaam.

Serikali Haina Kesi za Kodi za Shilingi Trilioni 360

Na Habiba Kassim

Serikali imesema kuwa haina kesi 1,097 za kodi za muda mrefu zenye thamani ya Shilingi trilioni 360 na Dola za Marekani milioni 181.4 ambazo hazijaamuliwa katika Bodi ya Rufaa za Kodi (TRAB) na Baraza la Rufaa la Kodi (TRAT) bali kuna mashauri 854 yaliyo kwenye hatua mbalimbali za usikilizaji yenye kodi inayobishaniwa ya jumla ya Shilingi trilioni 4.21 na Dola za Marekani milioni 3.48.

Hayo yalisemwa na Waziri wa Fedha na Mipango, Mhe. Dk. Mwigulu Lameck Nchemba (Mb), alipokuwa akijibu swali la Mbunge wa Kisesa, Mhe. Luhaga Joelson Mpina, aliyetaka kujua sababu inayofanya kesi 1,097 za kodi za muda mrefu zenye thamani ya Shilingi trilioni 360 na Dola za Marekani milioni 181.4 hazijaamuliwa hadi sasa.

Akifafanua kuhusu kiasi cha Shilingi bilioni 700 kilichopokelewa na Serikali, Mhe. Nchemba alisema kuwa kiasi hicho kilikuwa sehemu ya makubaliano yaliyofikiwa baada ya kuundwa timu ya kusimamia makubaliano hayo mwaka 2017/2018 kati ya Serikali na Kampuni ya Barick.

ev eşyası depolama