Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Tanzania, AFASU Yasaini Makubaliano Kuwezesha na Kukuza Uwekezaji, Biashara na Utalii Nchini.

Na. Beatrice Sanga

Waziri wa Nchi Ofisi ya Waziri Mkuu, Mhe. Geoffrey Mwambe pamoja na Raisi wa Jumuiya ya Muungano Kimataifa chini ya kundi la Afrika na Asia (Afro- Asian union (AFASU), Dkt. Hossam Darwish wametia saini hati ya makubaliano ya  kujumuika, kukuza na kuunda ushirikiano katika sekta ya uwekezaji (MoU)  wenye lengo la kuwezesha na kukuza uwekezaji, biashara na utalii nchini Tanzania .

Akizungumza katika hafla ya utiaji saini makubaliano hayo iliyofanyika katika Ofisi Ndogo ya Waziri Mkuu Jijini Dar es salaam, Mhe. Mwambe ameainisha maeneo ambayo Tanzania na ASAFU watashirikiana katika kuvutia maeneo ya uwekezaji kuwa ni pamoja na uwekezaji katika kilimo, Viwanda, Biashara ya Kielektroniki, Utalii, elimu pamoja na Uwekezaji katika ICT na uanzishaji wa elektroniki.

Mhe. Mwambe ameeleza kuwa kusainiwa kwa hati ya makubaliano kunaonyesha dhamira kubwa ya Serikali ya Awamu ya Sita  ya kushirikiana na wadau wote  duniani  na kuwaalika katika uwekezaji lakini pia kutumia fursa  ya kuaminika kama  serikali ya Tanzania  kuweza kuwaomba  Taasisi  na sekta binafsi waweze kutusemea  ili kushawishiana kuja kuwekeza Tanzania kwasababu ya mazingira bora ya uwekezaji yaliyowekwa nchini.

Wizara na Majeshi Wapitisha Mpango wa Muda Mfupi wa Michezo kwa Mashindano ya Kimataifa

Kamati ya Kitaifa ya kuendeleza michezo nchini inayojumuisha Wizara ya Sanaa Utamaduni na Michezo, Baraza la Michezo la Majeshi Tanzania (BAMMATA), Baraza la Michezo la Taifa (BMT) na Baraza la Taifa la Michezo Zanzibar (BTMZ) leo Oktoba 12, 2021 jijini Dar es Salaam wamepitisha mpango wa muda mfupi wa kuandaa  Timu za Michezo za Taifa  zitakazoshiriki  Michezo  ya Jumuiya ya madola nchini Uingereza mapema Julai hadi Agosti 2022.

Mwenyekiti wa Kamati hiyo, Naibu Kamishna wa Uhamiaji, Nasra Mohamed amesema tayari kamati yake imepitisha mpango huo hatua inayofuata ni kupeleka kwa Wizara yenye Sera na dhamana ya michezo nchini ili utekelezaji wake uanze mara moja kulingana na ratiba.

Waziri Mhagama: Wananchi Tambueni Thamani ya Mwenge wa Uhuru

Na. Mwandishi Wetu

Waziri wa Nchi, Ofisi ya Waziri Mkuu anayeshughulikia masuala ya Sera, Uratibu, Bunge, Kazi, Vijana, Ajira na Wenye Ulemavu, Mhe. Jenista Mhagama amewataka wananchi kutambua thamani ya Mwenge wa Uhuru na kushiriki shughuli ambazo zimekuwa zikihamasisha maendeleo.

Waziri Mhagama ameyasema hayo wakati akitoa taarifa kwa vyombo vya habari kuhusu Maadhimisho ya Wiki ya Vijana Kitaifa, Kilele cha Mbio Maalum za Mwenge wa Uhuru kwa mwaka 2021 na kumbukizi ya miaka 22 ya kifo cha Baba wa Taifa, Hayati Mwl. Julius Kambarage Nyerere katika Viwanja vya Mazaina Wilaya ya Chato mkoani Geita.

Waziri alieleza kuwa, shughuli za Mbio za Mwenge wa Uhuru zinazotarajiwa kufanyika tarehe 14 Oktoba, 2021 katika Uwanja wa Magufuli wilayani humo huku zikiwa zimebeba kaulimbiu isemayo; “TEHAMA ni Msingi wa Taifa Endelevu; Itumie kwa Usahihi na Uwajibikaji

RC Gabriel Azitaka Taasisi na Mashirika Kushirikana na HESLB

Mkuu wa Mkoa wa Mwanza, Mhandisi Robert Gabriel amezitaka taasisi, mashirika na makampuni ya sekta za umma na binafsi  kushirikiana na Bodi ya Mikopo ya Wanafunzi wa Elimu ya Juu (HESLB) katika kuwabaini wanufaika wa mikopo hiyo ili kuiwezesha Serikali kuwa na mfuko endelevu wa elimu ya juu.

Akizungumza katika ufunguzi wa Kikao kazi cha 10 cha Maafisa Madawati ya Mikopo katika taasisi za Elimu ya Juu kinachoendelea Jijini Mwanza leo Jumatatu Oktoba 11, 2021, Mhandisi Gabriel alisema ni wajibu wa wanufaika kurejesha mikopo hiyo, kwani HESLB imewawezesha kupata ujuzi wa kitaaluma na kuweza kujiinua kiuchumi kupitia Elimu.

“Tunatambua kuna idadi kubwa ya wataalamu waliowezeshwa na HESLB kupata mikopo ya elimu ya juu, ni wajibu wetu kuhakikisha tunarejesha fedha hizo ili ziweze kuwanufaisha Watanzania wahitaji, Ofisi yangu itashirikiana na HESLB katika kuhakikisha wanufaika waliopo katika sekta rasmi na zisizo rasmi wanarejesha mikopo hii” alisema Mhandisi Gabriel.

Aidha, Mhandisi Gabriel aliitaka HESLB kutumia fursa za majukwaa, mikutano na makongamano ya wadau na wanataaluma mbalimbali ili kuweza kuwabaini wanufaika  wa mikopo ya elimu ya juu, kwa kuwa hatua hiyo itaongeza kasi ya makusanyo kutoka kwa wanufaika ambao  hawajaanza kurejesha mikopo yao.

Kwa mujibu wa Mhandisi Gabriel, alibainisha kuwa Mkoa wa Mwanza umekuwa kimbilio kubwa la mikutano na makongamano ya wanataaluma mbalimbali, hivyo HESLB haina budi kuweka mikakati mahsusi ya kupata orodha ya wanufaika walioajiriwa katika makampuni, taasisi na mashirika hayo ili kuweza kuwabaini wanufaika wengi zaidi.

Kwa upande wake Mkurugenzi Mtendaji wa HESLB, Abdul-Razaq Badru alisema HESLB kupitia Mpango Mkakati wake wa miaka mitano (2016/2017-2020/2021), imeendelea kuimarisha mashirikiano na wadau na kubuni mifumo mbalimbali ya urejeshaji wa mikopo ya elimu ya juu kutoka kwa wanufaika.

“Hivi karibuni tunatarajia kuzindua akaunti ya LIPA, ni akaunti maalum ya mnufaika wa mikopo, kupitia akaunti hiyo mnufaika ataweza kupata taarifa za deni la mkopo aliopatiwa na HESLB wakati wa masomo, hii itaongeza hamasa ya urejeshaji kutoka kwa wanufaika” alisema Badru. 

Akizungumzia maudhui ya kikao kazi hicho, Badru alisema kikao hicho kimeshirikisha jumla ya washiriki 150 kutoka taasisi za elimu ya juu81 za umma na binafsi, wakiwemo Maafisa Mikopo takribani 125; wawakilishi wa Serikali za Wanafunzi na Menejimenti ya HESLB.

“Maafisa Mikopo ni wadau muhimu wa HESLB, kutokana na majukumu yenu ya kuhudumia wanafunzi tumeamua kukutana nanyi ili kubadilishana uzoefu katika eneo la upangaji, utoaji na urejeshaji mikopo lakini pia kupokea maoni, ushauri na changamoto katika sehemu za kazi” alisema Badru.

Naye Meneja wa HESLB, Kanda ya Ziwa, Usama Choka alisema Ofisi yake imeendelea kupata ushirikiano mkubwa kutoka Ofisi ya Mkuu wa Mwanza katika juhudi na jitihada mbalimbali inazoendelea kuzifanya katika kuwabaini wanufaika wa mikopo ya elimu ya juu.

Waziri wa Nishati na Naibu Waziri Wakagua Mradi wa Umeme wa Julius Nyerere

Waziri wa Nishati, January Makamba pamoja na Naibu Waziri wa Nishati, Wakili Stephen Byabato wamekagua kazi mbalimbali zinazoendelea kutekelezwa katika mradi wa umeme wa Julius Nyerere unaotekelezwa wilayani Rufiji, Mkoa wa Pwani.



Ukaguzi huo umefanyika kabla ya ziara ya Makamu wa Rais wa Jamhuri ya Muungano wa Tanzania, Dkt. Philip Isdory Mpango katika mradi huo itakayofanyika tarehe 12 Oktoba, 2021.

Rais Samia Suluhu Hassan Azindua Vituo Jumuishi vya Utoaji Haki Jijini dodoma

ev eşyası depolama