Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Waziri Nape Afanya Mkutano wa Kutatua Mgogoro wa Anwani za Makazi Mbezi Jogoo

Waziri wa Habari, Mawasiliano na Teknolojia ya Habari, Mhe. Nape Nnauye ameiagiza Halmashauri ya Manispaa ya Kinondoni kuanza mara moja zoezi la uwekaji anwani za makazi kwenye mtaa wa Jogoo uliopo katika Kata ya Mbezi Juu Jijini Dar es Salaam kufuatia kuwepo kwa mgogoro wa ardhi wa muda mrefu wa zaidi ya miaka 40 kwenye eneo hilo.

Eneo la Mtaa huo ambalo kabla ya Uhuru lilitengwa na Serikali kwa ajili ya kilimo cha mazao ya biashara, mwaka 1970 Rais Mstaafu wa Awamu ya Kwanza wa Jamhuri ya Muungano wa Tanzania, Hayati Mwalimu Julius Nyerere alilirudisha kwa wananchi na baadae kutengwa kwa ajili ya ujenzi wa viwanda, kazi ambao haijafanyika ipasavyo ambapo kwa zaidi ya miaka 40 mpaka sasa, wananchi wamejenga makazi ya kudumu.

Katika mkutano wa pamoja kati ya Waziri Nape, Naibu Waziri wa Ardhi, Nyumba na Maendeleo ya Makazi Ridhiwani Kikwete, na Wakazi wa Mtaa huo, Waziri Nape ametoa agizo hilo kati ya maagizo sita ya Rais wa jamhuri ya Muungano wa Tanzania, Mhe. Samia Suluhu ya kutaka maeneo hayo yaendelee kuwa makazi ya kudumu ya watu na kupewa anwani za makazi huku waliokabidhiwa maeneo hao kwa ajili ya shughuli za viwanda na hawakuyaendeleza maeneo hayo, wachukuliwe hatua za kisheria.

Waziri Mkuu Majaliwa Azindua Filamu ya ‘Tanzania Royal Tour’ Dodoma

Afrika Yaunganisha Nguvu Kupambana na Ugaidi

Matukio katika Picha: Waziri Bashungwa Afunga Kikao Kazi cha Maafisa Habari/Mawasiliano Serikalini

Dkt. Kijazi Ataka Maafisa Habari wa Serikali Kutoa Elimu ya Sensa ya Makazi

Na Munir Shemweta, WANMM TANGA

Katibu Mkuu Wizara ya Ardhi, Nyumba na Maendeleo ya Makazi, Dkt. Allan Kijazi amewataka Maafisa Habari  na Mawasiliano Serikalini kuelimisha umma kuhusu umuhimu wa Sensa ya Makazi na watu inayotarajia kufanyika Agosti 2022.

Dkt. Kijazi alisema hayo mkoani Tanga tarehe 12 Mei, 2022 wakati akiwasilisha mada kuhusiana na Sensa ya Watu na Makazi  kwenye kikao cha Maafisa Habari, Mawasiliano na Uhusiano Serikalini kinachoendelea mkoani Tanga.

Mkutano wa Wadau wa Sekta ya Nishati ya Mafuta Uganda

Waziri wa Ujenzi na Uchukuzi, Profesa Makame Mbarawa akiwa na Waziri wa Uwekezaji, Viwanda na Biashara, Dkt. Ashatu Kijaji pamoja na Naibu Waziri wa Nishati, Stephen Byabato wakiwa katika Kikao cha majadiliano ya Wadau mbalimbali katika Sekta ya Uwekezaji wa Mafuta katika Jiji la Kampala nchini Uganda tarehe 11 Mei, 2022.

Royal Tour Yaitangaza Tanzania Duniani

Na Lilian Lundo – MAELEZO

Mkurugenzi wa Mawasiliano ya Rais Ikulu, Zuhura Yunus amesema moja ya faida ya filamu ya “The Royal Tour” ni kujulikana zaidi kwa nchi ya Tanzania duniani tofauti na ilivyokuwa mwanzoni.

Zuhura amesema hayo leo, Mei 12, 2022 Ikulu Jijini Dar es Salaam alipokuwa akitoa taarifa ya ziara ya Rais wa Jamhuri ya Muungano wa Tanzania Samia Suluhu Hassan nchini Uganda Mei 10 na 11 na ziara aliyoifanya nchini Marekani ya kuzindua filamu ya “The Royal Tour” tarehe 14 hadi 26 Aprili, 2022 kwa Waandishi wa Habari.

Zuhura amesema kuwa, faida zilizotokana na filamu ya “The Royal Tour” ni nyingi, ikiwemo kuitangaza Tanzania na kujulikana na mataifa mengin zaidi duniani, ambapo kwa sasa watu wengi wanaitazama Tanzania kupitia filamu hiyo.

Msigwa: Serikali Ipo Kwenye Mazungumzo na Wawekezaji Juu ya Ujenzi wa Bandari ya Bagamoyo

NA OSCAR ASSENGA, TANGA.

Serikali ipo katika mazungumzo na Wawekezaji juu ya mpango wa ujenzi wa Bandari mpya ya Bagamoyo  mkoani Pwani ili kusogeza huduma karibu na wananchi na hivyo kuchangia kukuza Pato la Taifa na wananchi kwa ujumla.

Hayo yalisemwa na Mkurugenzi wa Idara ya Habari – MAELEZO na Msemaji Mkuu wa Serikali, Gerson Msigwa wakati wa ziara ya Maafisa Habari wa Wizara na Taasisi za Umma nchini katika Bandari ya Tanga ambao wapo Jijini Tanga wakiendelea na kikao chao.


Alisema kwa sasa wamerejesha mazungumzo hayo baada ya Rais Samia Suluhu kupitia Serikali yake ya Awamu ya Sita kuona ni vyema wakarejesha mazungumzo hayo na kukubaliana maeneo serikali itayoona ina maslahi nayo pamoja na wawekezaji ili wautekeleze mradi huo. 

Alisema mradi huo ni mkubwa na wakifanikiwa kuutekeleza utasaidia kuchochea kasi ya maendeleo na hivyo kuchangia pato la wananchi na Taifa kwa ujumla ikiwemo kufungua milango ya uwekezaji hapa nchini. 

Alisema sio Bandari bali patajengwa Viwanda, kwa sababu eneo hilo wanakusudia kulifanya liwe kanda maalumu ya kiuchumi ya Bagamoyo  ambapo patajengwa bandari, Viwanda, eneo la makazi, maduka makubwa na sehemu nyingi za kibiashara ikiwemo ujenzi wa viwanda takriban 1000 na hivyo itawezesha kuwa kanda maalumu ya viwanda.

ev eşyası depolama