Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Watendaji Acheni Urasimu kwa Wawekezaji: Rais Samia

Na Georgina Misama – MAELEZO

Rais wa Jamhuri ya Muungano wa Tanzania, Samia Suluhu Hassan amezitaka Taasisi zote nchini zinazoshughulikia masuala ya usajili wa wawekezaji kuacha tabia ya urasimu hasa kwa wawekezaji wa ndani kwani kuwachelewesha wawekezaji kunachelewesha nafasi za ajira kwa vijana, mapato ya kodi na kusababisha udumavu wa uchumi wa nchi.

Rais Samia alisema hayo leo Disemba 1, 2021 katika hafla ya ufunguzi wa kiwanda cha kutengenezea waya kijulikanacho kwa jina la ‘Raddy Fiber’ kilichopo Wilaya ya Mkuranga mkoani Pwani, ambapo alisema kwamba urasimu kwa wawekezaji hauna nafasi katika Serkali ya Awamu ya Sita.

“Nchi yetu inahitaji wawekezaji kuliko sisi tunavyowahitaji, sisi tunawahitaji zaidi kuliko wao wanavyoihitaji Tanzania  hatuna budi  kufanya kila linalowezekana kuwavutia waje kwa wingi ili nchi yetu iweze kufaidika na uwekezaji wao. Tunapomchelewesha mwekezaji, tunachelewesha ajira, tunachelewesha kodi na tunadumaza uchumi wa nchi yetu,” alisema Rais Samia.

Aliongeza kwamba Serikali imeendelea kuweka mazingira wezeshi na rafiki kwa ufanyaji biashara na uwekezaji ikitambua nafasi ya sekta binafsi katika mageuzi ya uchumi lengo ni kufanya kazi kwa kushirikiana na sekta binafsi ambapo alitoa mfano wa kiwanda cha Raddy Fiber kama matokeo ya Serikali kufanya  maboresho katika mazingira ya uwekezaji.

Dkt. Abbasi Atoa Siku Saba Kukutana na Vyama vya Michezo

Katibu Mkuu wa Wizara ya Utamaduni, Sanaa na Michezo. Dkt, Hassan Abbasi ametoa wiki moja kwa Mkurugenzi wa Idara ya Maendeleo ya Michezo kuitisha kikao na vyama vyote vya michezo vilivyopo kwenye mgawanyo wa wachezaji (Quarter) kwenye Mashindano ya Madola yatakayofanyika Julai 2022 nchini Uingereza ili kusikiliza changamoto na kuwapa mwelekeo wa namna bora ya usimamizi wa michezo kuelekea mashindano ya kimataifa.

Dkt. Abbasi ametoa maelekezo hayo leo kwenye kikao alichokiitisha Disemba 3, 2021 kilichoshirikisha Wizara ya Utamaduni, Sanaa na Michezo, Baraza la Michezo la Taifa, Baraza la Michezo la Majeshi na Kamati ya Olympic ya Tanzania (TOC) ili kupokea taarifa ya TOC na Mpango kazi wa maandalizi ya timu za taifa kuelekea maandalizi ya ushiriki wa Michezo ya Jumuiya ya Madola.

Aidha, wajumbe wameiomba Serikali kutupia macho kwenye baadhi ya vyama vya michezo visivyofuata utawala bora ili kuwafanya wachezaji kufanya vizuri.

Rais Samia Azindua Kiwanda cha Kutengeneza Nyaya za Mawasiliano cha Raddy Fiber, Azungumza na Wananchi wa Mbagala na Vikindu

Kuelekea Maadhimisho ya Miaka 60 ya Uhuru: Awamu ya Pili ya Ujenzi wa Ofisi za Wizara Mji wa Serikali Yazinduliwa

Tanzania Yafuzu Kombe la Dunia Mchezo wa Soka kwa Wenye Ulemavu

 Na. John Mapepele

Waziri mwenye dhamana ya Michezo nchini, Mhe, Innocent Bashungwa leo Disemba 1, 2021 amewaongoza watanzania kuishangilia Timu ya Tanzania (Tembo Warriors) ambayo imefuzu na kuwa  timu ya kwanza miongoni mwa timu nne zinazoingia nusu fainali ya Soka ya Bara la Afrika kwa   wenye ulemavu (CANAF 2021) na hivyo kupata tiketi ya kushiriki  Mashindano ya Dunia  ya mchezo huo yatakayofanyika nchini Uturuki 2022 baada ya kuichapa timu ya Cameroon  mabao 5-0. 

Timu ya Tanzania ambayo katika kipindi chote cha maandalizi imesimamiwa na  Kamati Maalum ya Kitaifa  chini ya Katibu Mkuu wa Utamaduni, Sanaa na Michezo, Dkt. Hassan Abbasi ilianza vizuri  kutokana na hamasa  iliyotolewa  na Rais wa Jamhuri ya Muungano wa Tanzania,. Mhe, Samia Suluhu Hassan.

Rais Dkt. Mwinyi Amekutana na Ujumbe wa Wawekezaji wa Kampuni ya Sukari Kilombero

Tanzania Yanadi Vivutio Vyake vya Utalii Kwenye Mkutano Mkuu wa 24 wa Utalii Duniani Nchini Hispania

Na Mwandishi Maalum, Madrid, Hispania

Ujumbe wa Tanzania ukiongozwa na Waziri wa Maliasili na Utalii, Dkt. Damas Ndumbaro upo nchini Hispania, katika Jiji la Madrid kushiriki mkutano mkuu wa 24 wa Kimataifa wa Utalii Duniani ulioandaliwa na Shirika la Kimataifa  linaloshughulikia masuala ya Utalii Duniani (UNWTO)

Katika mkutano huo wa siku nne ulioanza jana, unaotarajiwa kufunguliwa rasmi leo hii Desemba Mosi, ambapo Waziri Ndumbaro akiwa katika jiji hili la Madrid, ameweka bayana mambo mbalimbali ambayo Tanzania itanufaika na mkutano huo.

Akizungumzia mambo hayo, Dkt. Ndumbaro amesema ”katika  kuhakikisha kwamba tunaongeza idadi ya watalii kuitembelea Tanzania pamoja na mapato yatokanayo na Utalii, suala la kutangaza utalii wa Tanzania katika nyanja za kidunia ni suala ambalo haliepukiki ”

ev eşyası depolama