Vyama vya Wafanyakazi Vyasisitizwa Kuwasaidia Watumishi Kupata Haki Zao

Mar 18, 2022

Na Jacquiline Mrisho

Katibu Mkuu wa Wizara ya Maliasili na Utalii, Dkt. Francis Michael akizungumza na wajumbe wa Mkutano wa 29 wa Baraza la Wafanyakazi wa Wizara ya Maliasili na Utalii (hawapo pichani) leo jijini Dodoma ambapo amesema Wizara itaendelea kusimamia maslahi ya watumishi ikiwa ni pamoja na mafunzo ya muda mrefu na mfupi.

Na Jacquiline Mrisho -MAELEZO

Katibu Mkuu Wizara ya Maliasili na Utalii, Dkt. Francis Michael amevisisitiza Vyama vya Wafanyakazi nchini kuendelea kuwasaidia Watumishi kupata haki zao.

Ameyazungumza hayo leo jijiji Dodoma wakati akifungua Baraza la Wafanyakazi wa Wizara hiyo ambapo alisisitiza kuwa, kuwasaidia Watumishi mahala pa kazi ni wajibu wao.

Akiongelea kuhusu Baraza hilo, Dkt. Michael amesema kuwa ni jukwaa muhimu kufanyika kwa sababu ndio kiunganishi madhubuti kati ya Menejimenti na Watumishi.

Naibu Katibu Mkuu wa Wizara ya Maliasili na Utalii, Juma S. Mkomi akifafanua michango na hoja mbalimbali za wajumbe wa Mkutano wa 29 wa Baraza la Wafanyakazi wa Wizara ya Maliasili uliofanyika leo katika ukumbi wa PSSSF jijini Dodoma.

“Mabaraza haya ya Wafanyakazi ni muhimu sana kufanyika, sisi Menejimenti tunakutana kwenye vikao vyetu mara kwa mara lakini mara chache tunapata wasaa wa kuzungumza na Watumishi wetu, hivyo kupitia Mabaraza haya tunazungumza na Watumishi wetu,” alisema Katibu Mkuu, Dkt. Michael.

Mkurugenzi wa Idara ya Utawala na Rasilimaliwatu, Wizara ya Maliasili na Utalii, Prisca Lwangili akiwatambulisha Wakuu wa Idara, Vitengo na Taasisi zilizo chini ya Wizara ya Maliasili na Utalii waliohudhuria Mkutano wa 29 wa Baraza la Wafanyakazi jijini Dodoma.

Aidha, amewasisitiza Wajumbe wanaochaguliwa katika Mabaraz a hayo kuleta mawazo ya Watumishi waliomchagua na sio kuleta mawazo yao peke yao pia, amewakumbusha kurudisha mrejesho kwa Watumishi ili waweze kufahamu na kutekeleza yale waliyokubaliana katika Mabaraza hayo.

Baadhi ya wajumbe kutoka katika Idara na Vitengo mbalimbali vya Wizara ya Maliasili na Utalii, wakimsikiliza Katibu Mkuu wa Wizara ya Maliasili na Utalii Dkt. Francis Michael wakati wa mkutano wa 29 wa Baraza la Wafanyakazi uliofanyika katika ukumbi wa PSSSF jijini Dodoma.

Fauka na hayo, Katibu Mkuu amewaahidi Watumishi hao kuwa, Wizara itaendelea kusimamia na kuimarisha maslahi ya Watumishi wake ikiwemo upandishwaji wa vyeo, kuendelea kutoa mafunzo ya muda mrefu na mfupi, likizo na haki zingine za Watumishi.

Ili kuleta matokeo chanya, amewataka Watumishi hao kufanya kazi kwa ushirikiano, bidii, uadilifu, kuepuka vitendo vya rushwa pamoja na kuzingatia Sheria, Kanuni na Taratibu zingine zilizowekwa.

Habari Mpya

Makamu wa Rais Ashiriki Mkutano wa Rasilimali Muhimu za Kijani za Bara la Afrika

Nov 13, 2024

Waziri Mkuu Akutana na Balozi wa Uturuki Nchini

Nov 13, 2024

Jamhuri ya Muungano wa Tanzania

Blogu ya Idara ya Habari - MAELEZO

Vyama vya Wafanyakazi Vyasisitizwa Kuwasaidia Watumishi Kupata Haki Zao

Habari Mpya

REA Kusambaza Mitungi ya Gesi Zaidi ya 19,000 Mbeya

Waziri Kombo Aongoza Mkutano wa SADC Organ Troika

Dkt. Mwinyi Awaapisha Viongozi Aliowateua Hivi Karibuni

Tanzania Kuungana na Dunia Usalama wa Afya Kimataifa

Makamu wa Rais Ashiriki Mkutano wa Rasilimali Muhimu za Kijani za Bara la Afrika

Waziri Mkuu Akutana na Balozi wa Uturuki Nchini

Mipangilio

Marekebisho ya Mandhari

Marekebisho ya Maandishi