Makamu wa Rais Atoa Pole Msiba wa Dada wa Mkuu wa Mkoa wa Dar es Salaam

Oct 17, 2022

Na Jacquiline Mrisho

Makamu wa Rais wa Jamhuri ya Muungano wa Tanzania, Mhe. Dkt. Philip Mpango akisaini kitabu cha maombolezo kufuatia kifo cha Bi. Grace Makalla ambaye ni Dada wa Mkuu wa Mkoa wa Dar es salaam, Amos Makalla, mara baada ya kuwasili katika msiba huo Kijiji cha Kidudwe Wilaya ya Mvomero mkoani Morogoro leo tarehe 17 Oktoba, 2022.

Makamu wa Rais wa Jamhuri ya Muungano wa Tanzania, Mhe.Dkt. Philip Mpango leo tarehe 17 Oktoba, 2022 ameshiriki ibada ya kuaga mwili wa Bi.Grace Makalla ambaye ni Dada wa Mkuu wa Mkoa wa Dar es salaam Amos Makalla, Ibada iliofanyika katika Kijiji cha Kidudwe – Turiani Wilaya ya Mvomero mkoani Morogoro.

Makamu wa Rais wa Jamhuri ya Muungano wa Tanzania, Mhe.Dkt. Philip Mpango akitoa salamu za pole kwa niaba ya Serikali wakati wa Ibada ya kuaga mwili wa Bi. Grace Makalla ambaye ni dada wa Mkuu wa Mkoa wa Dar es salaam, Amos Makalla katika ibada iliyofanyika katika Kijiji cha Kidudwe Wilaya ya Mvomero mkoani Morogoro leo tarehe 17 Oktoba, 2022.

Makamu wa Rais amewasilisha salamu za rambirambi kutoka kwa Rais Samia Suluhu Hassan kwa familia ya Mkuu wa Mkoa wa Dar es salaam na wote walioguswa na msiba huo. Amewaasa waombolezaji kuendelea kumuombea marehemu apumzike kwa amani na kuishi yale mema aliyoyatenda enzi za uhai wake.

Makamu wa Rais wa Jamhuri ya Muungano wa Tanzania, Mhe.Dkt. Philip Mpango akitoa heshima za mwisho kwa mwili wa Marehemu Grace Makalla ambaye ni dada wa Mkuu wa Mkoa wa Dar es salaam, Amos Makalla wakati wa ibada ya kuaga mwili huo iliyofanyika Kijiji cha Kidudwe Wilaya ya Mvomero mkoani Morogoro leo tarehe 17 Oktoba, 2022.

Aidha, Makamu wa Rais amewasihi waombolezaji kuendelea kutafakari na kuishi vema katika jamii kwa kuwa msaada na neema kwa wengine hususani wenye uhitaji kama alivyoishi Bi. Grace Makalla. Amesema ni muhimu jamii kuendelea kushirikiana na kuungana wakati wa matatizo ili kuwafariji wale wanaokumbwa na changamoto mbalimbali.

Makamu wa Rais wa Jamhuri ya Muungano wa Tanzania, Mhe. Dkt. Philip Mpango akimfariji Mkuu wa Mkoa wa Dar es salaam, Amos Makalla kufuatia kifo cha Dada yake Bi. Grace Makalla mara baada ya kuwasili katika msiba huo Kijiji cha Kidudwe Wilaya ya Mvomero mkoani Morogoro leo tarehe 17 Oktoba, 2022.

Bi. Grace Makalla alifariki tarehe 14 Oktoba, 2022 na amezikwa Kijiji kwao Kidudwe Turiani Wilaya ya Mvomero mkoani Morogoro leo tarehe 17 Oktoba, 2022.

Habari Mpya

Jamhuri ya Muungano wa Tanzania

Blogu ya Idara ya Habari - MAELEZO

Makamu wa Rais Atoa Pole Msiba wa Dada wa Mkuu wa Mkoa wa Dar es Salaam

Habari Mpya

Mwanza Yaja na Kliniki ya Ardhi Kata kwa Kata Kuwafikia Watu Kwenye Maeneo Yao

Nishati Safi ya Kupikia ni Ajenda ya Kuokoa Maisha ya Watu - Dkt. Biteko

Waziri Kijaji Akutana na Kamisheni ya Tabianchi ya Bonde la Congo

Waziri Jafo: Kuchezea Vipimo ni Kosa Kisheria

Waziri Mkuu: Serikali Yasajili Miradi ya Dola Bilioni 8.65 Ndani ya Mwaka Mmoja

Naibu Waziri Sangu Awafunda Wanajopo wa Kada ya Afya, Asisitiza Uadilifu

Mipangilio

Marekebisho ya Mandhari

Marekebisho ya Maandishi