Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Mwijage awataka Wahandisi Kujiongeza

Waziri wa Viwanda, Biashara na Uwekezaji, Charles Mwijage akizungumza na Wahandisi (hawapo pichani) wakati wa Kongamano la Wahandisi kuhusu ushiriki wao katika maendeleo ya ujenzi wa viwanda kuelekea katika Maadhimisho ya miaka 50 ya Bodi ya Usajili wa Wahandisi (ERB). Kongamano hilo limefanyika leo jijini Dodoma.

 

Na Jacquiline Mrisho.

Waziri wa Viwanda, Biashara na Uwekezaji, Charles Mwijage amewataka wahandisi nchini kujiongeza katika kutafuta fursa mbalimbali zikiwemo za ujasiriamali ili kujiongezea kipato.

Mwijage ameyazungumza hayo leo jijini Dodoma wakati akizindua Kongamano la Wahandisi zaidi ya 300 lililohusu ushiriki wao katika maendeleo ya ujenzi wa viwanda kuelekea katika Maadhimisho ya miaka 50 ya Bodi ya Usajili wa Wahandisi (ERB).

 Mwenyekiti wa Bodi ya Usajili wa Wahandisi, Mhandisi Prof. Ninatubu Lema akitoa neno fupi la kumkaribisha mgeni rasmi Waziri wa Viwanda, Biashara na Uwekezaji, Charles Mwijage (hayupo pichani) wakati wa Kongamano la Wahandisi kuhusu ushiriki wao katika maendeleo ya ujenzi wa viwanda kuelekea katika Maadhimisho ya miaka 50 ya Bodi ya Usajili wa Wahandisi (ERB). Kongamano hilo limefanyika leo jijini Dodoma.

Waziri Mwijage amesema kuwa hakuna mtu anaezuiliwa kufanya kazi nyingine tofauti na aliyosomea hivyo hata Wahandisi wanaweza kufanya ujasiriamali wa aina yoyote.

”Nawaomba Wahandisi kuchangamkia fursa pindi zinapotokea, mjitahidi mpate elimu ya ujasiriamali kwani Serikali itawatumia hata mkiwa katika Taasisi Binafsi”, alisema Mwijage.

Aidha, Waziri Mwijage ametoa rai kwa Wahandisi kuungana kufanya kazi kwa pamoja bila ubaguzi ili kuwa pamoja katika ujenzi wa viwanda utakaopelekea nchi kuwa na uchumi wa kati.

Kaimu Msajili wa Bodi ya Wahandisi, Mhandisi Patrick Barozi akizungumza na Wahandisi (hawapo pichani) wakati wa Kongamano la Wahandisi kuhusu ushiriki wao katika maendeleo ya ujenzi wa viwanda kuelekea katika Maadhimisho ya miaka 50 ya Bodi ya Usajili wa Wahandisi (ERB). Kongamano hilo limefanyika leo jijini Dodoma.

Baadhi ya Wahandisi walioshiriki katika Kongamano la Wahandisi kuhusu ushiriki wao katika maendeleo ya ujenzi wa viwanda kuelekea katika Maadhimisho ya miaka 50 ya Bodi ya Usajili wa Wahandisi (ERB). Kongamano hilo limefanyika leo jijini Dodoma.

Kwa upande wake Mwenyekiti wa Bodi ya Usajili wa Wahandisi, Mhandisi Prof. Ninatubu Lema amesema kuwa moja ya majukumu ya ERB ni kuhamasisha shughuli za uhandisi hasa katika shule na Vyuo Vikuu mbalimbali ili kwa miaka ijayo nchi ipate Wahandisi wengi watakaojenga miundombinu mbalimbali.

”Hadi kufikia leo, ERB imesajili jumla ya Wahandisi 21,746, tunatoa rai kwa Serikali kuendelea kutuamini kwa kutoa fursa zaidi kwa Wahandisi wa ndani kujenga miradi ya ujenzi inayoanzishwa nchini,” alisema Prof. Lema.

Bodi ya Usajili wa Wahandisi imeanzishwa kisheria mnamo Oktoba 10, 1968 kwa lengo la kusajili na kusimamia aina zote za Wahandisi na kukuza maendeleo ya uwezo wao kwa lengo la kulinda watumiaji wa huduma za ujenzi nchini.

123 thoughts on “Mwijage awataka Wahandisi Kujiongeza

Leave a Reply

Your email address will not be published. Required fields are marked *

ev eşyası depolama