Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Matukio Katika Picha Bungeni Leo

Waziri wa Mambo ya Ndani ya nchi Mhe. Kangi Lugola akitoa ufafanuzi wa taarifa zilizosambaa mitandaoni kuhusu ushoga. Kwenye ufafanuzi wake Waziri Lugola ameliambia bunge Serikali haitaruhusu wananchi kuvunja sheria kwa kufanya vitendo kinyume na uumbaji uliokusudiwa na Mungu.

Waziri wa Katiba na Sheria Prof. Palamagamba Kabudi akijibu swali la Mbunge wa Kigoma Mjini, Zitto Kabwe bungeni leo wakati wa kipindi cha maswali na majibu. Kwenye majibu yake Prof. Kabudi amelieleza bunge serikali haiwezi kutoa ufafanuzi kama alivyotaka mheshimiwa Zitto kwani kufanya hivyo kutaathiri mwenendo wa mashauri ya madai yanayoendelea kwenye mahakama mbalimbali za kimataifa.

Naibu Waziri wa Maji, Mhe. Jumaa Aweso, akisisitiza kuhusu mikakati mbalimbali ya Serikali kuhakikisha asilimia 90 ya wananchi wa maeneo ya mjini na asilimia 85 ya wananchi wa vijijini wanapata huduma ya maji safi na salama ifikapo mwaka 2020.

Waziri wa Katiba na Sheria, Mhe. Prof. Palamagamba Kabudi, akibadilishana mawazo na  Waziri wa Madini  Mhe. Angellah  Kairuki na Naibu Waziri Ofisi ya Waziri Mkuu Sera, Bunge, Kazi, Vijana, Ajira na Wenye Ulemavu Mhe. Anthony Mavunde leo  Bungeni  Jijini  Doodma wakati wa kipindi cha maswali na  majibu.

Naibu Waziri wa Ujenzi Uchukuzi na Mawasiliano, Mhe. Elias Kuandikwa, akieleza mikakati ya Serikali kujenga daraja jipya la mto Wami. Kwa mujibu wa maelezo ya Mhe. Kuandikwa ujenzi wa daraja hilo jipya umeshaanza na utachukua muda wa miezi 24 kukamilika.

aibu Waziri Ofisi ya Waziri Mkuu Sera Bunge Kazi Vijana Ajira na Wenye Ulemavu Mhe. Stella Ikupa akifurahia jambo na mtawa wa Shirika la Maria Imaculata na ujumbe wake walipomtembelea Bungeni leo Jijini Dodoma.

Naibu Waziri Ofisi ya Waziri Mkuu Sera Bunge Kazi Vijana Ajira na Wenye Ulemavu Mhe. Stella Ikupa akiwa kwenye picha ya pamoja na ujumbe wa Shirika la Maria Immaculata walipomtembelea Bungeni leo Jijini Dodoma.

 

2 thoughts on “Matukio Katika Picha Bungeni Leo

Leave a Reply

Your email address will not be published. Required fields are marked *

ev eşyası depolama