[caption id="attachment_233" align="aligncenter" width="630"] Waziri wa Habari, Utamaduni, Sanaa na Michezo, Mhe. Dkt. Harrison Mwakyembe akizindua rasmi vifaa vya Taasisi ya Sanaa na Utamaduni Bagamoyo (TaSUBA), 4 Aprili, 2017 Wilayani Bagamoyo Mkoani Pwani.[/caption] Waziri wa Habari Utamaduni Sanaa na Michezo Dkt. Harrison Mwakyembe amezindua Vifaa  vya kufundishia vyenye thamani ya shilling 100 kwa ajili ya  Taasisi ya Sanaa na Utamaduni Bagamoyo(TaSUBa) vitavyowawezesha wanafunzi  kujifunza kwa vitendo namna ya kutengeneza picha jongefu. Akizungumza wakati wa uzinduzi huo leo Wilayani Bagamoyo, Dkt.Mwakyembe amesema kuwa vifaa hivyo ni muhimu katika maendeleo ya kitaaluma ya wanafunzi wa Taasisi hiyo katika kuwaongezea ujuzi katika vitendo na baadaye kuwa watendaji bora na makini. “Vifaa hivi ni tija katika kuhakikisha kuwa wanafunzi wanajifunza kwa vitendo na hivyo kuzalisha watu wenye taaluma zenye tija na zenya kuleta  matokeo chanya kwa ajili ya maendeleo nchi”alisema Mhe.Dkt.Mwakyembe. Aliongeza kwa kuhaidi kuwa atahakikisha viongozi mbalimbali wakiwemo Mawaziri na Mabalozi wanapata fursa  ya kuitembelea TaSUBa ili wajionee kwa macho hazina kubwa waliyonayo  katika kukuza na kuendeleza sanaa na utamaduni. Aidha aliupongeza viongozi na walimu wa TaSUBa kwa jitihada wanazozifanya za kutoa  elimu kwa vijana jambo ambalo linawajengea uwezo  wa kujiajiri kupitia taaluma ya sanaa  hivyo kuondoa utegemezi na kukuza uchumi wa nchi. Naye Katibu Tawala wa Wilaya ya Bagamoyo Bibi Erica Yegela kwa niaba ya Mkuu wa Wilaya hiyo alisema Taasisi ya Sanaa na Utamaduni Bagamoyo(TaSUBa) ipo kwa ajili ya maslahi ya Watanzania wote na hivyo wanakaribishwa kujiunga na kujifunza sanaa,utamaduni na uandaaji wa vipindi. Kwa Upande wake Mtendaji Mkuu wa Taasisi ya Sanaa na Utamaduni Bagamoyo (TaSUBa) Dkt. Herbert Makoye ameishukuru Serikali kwa kutoa fedha za maendeleo kiasi cha shilling millioni 100 amabazo zimefanikisha kununua vifaa vya kufundishia kwa vitendo. “Tunaishukuru Serikali kwa kutupatia kiasi hiki cha fedha ambapo kwa kiasi kikubwa kimefanikisha manunuzi ya vifaa hivi  vya kufundishia na huu ni mwanzo mzuri nasi tunaahidi kutumia ipasavyo katika kuzalisha wanataaluma hodari” alisema Dkt. Makoye. Aliongeza  kwa kusema kuwa licha ya kufanikiwa katika kununua vifaa kumekuwapo na changamoto mbalimbali zinazoikabili- Taasisi hiyo ikiwemo upungufu wa wafanyakazi huku wengi wao wakiwa wamestaafu,uhaba wa ofisi za waalimu  na wafanyakazi pamoja na miundo mbinu chakavu.