Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Dk. Kigwangalla Atoa Maagizo Mazito kwa TFS

Waziri wa Maliasili na Utalii, Dk. Hamisi Kigwangalla ameuagiza uongozi wa Wakala wa Huduma za Misitu

Tanzania (TFS) kukabidhi eneo la Kilomita za mraba 25,000 kutoka kwenye Hifadhi

ya Msitu wa Morogoro unaosimamiwa na wakala huyo kwa ajili ya ujenzi wa ofisi za

Makao Makuu ya Mamlaka ya Usimamizi wa Wanyamapori Tanzania (TAWA).

 

Ametoa agizo hilo jana akiwa kwenye ziara ya siku mbili mkoani Morogoro ambapo alimuagiza Katibu Mkuu

wa Wizara hiyo, Mej. Jen. Gaudence Milanzi kuzikutanisha taasisi hizo ndani ya

siku saba zijazo ili kukamilisha mchakato wa kumega eneo hilo na kukabidhiwa

kwa Mamlaka hiyo ili taratibu za ujenzi ziweze kuanza.

 

Aidha, ameuagiza uongozi huo wa TFS kuweka vigingi vya mpaka katika eneo la hifadhi hiyo ya msitu ndani ya

siku 30 zijazo huku akitoa muda huo kwa wananchi wote waliovamia eneo hilo kuondoka

mara moja kwa hiari yao wenyewe kabla ya kuondolewa kwa nguvu.

 

Katika hatua nyingine, Dk.Kigwangalla amemuagiza Mtendaji Mkuu wa Wakala hiyo, Prof. Dos Santos Silayo kukabidhi

mbao zaidi ya 400 zilizokamatwa hivi karibuni mkoani Morogoro baada kuvunwa

kinyume cha Sheria kwa uongozi wa Mkoa huo ili zisaidie kutengeneza madawati ya

shule za msingi.

 

Pamoja na mbao hizo amemuagiza pia mtendaji huyo kukabidhi kwa uongozi wa mkoa huo magunia 350 ya mkaa yaliyokamatwa

katika kituo cha TAZARA yakiwa yanasafirishwa kinyume cha Sheria ili yasambazwe

kwenye shule za Sekondari mkoani humo.

Dk. Kigwangalla alitoa maagizo hayo jana wakati akizungumza na Kamati ya Ulinzi na Usalama ya Mkoa wa Morogoro

inayoongozwa na Mkuu wa Mkoa huo, Dk. Steven Kebwe, ambapo alimuomba kusimamia

zoezi hilo la ugawaji kikamilifu ili walengwa waweze kufikiwa.

 

 

157 thoughts on “Dk. Kigwangalla Atoa Maagizo Mazito kwa TFS

Leave a Reply

Your email address will not be published. Required fields are marked *

ev eşyası depolama