Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Vijana Wahimizwa Kuchangamikia Fursa za Kiuchumi

Waziri wa Nchi, Ofisi ya Waziri Mkuu (Sera, Bunge, Kazi, Vijana, Ajira na Wenye Ulemavu) Mhe. Jenista Mhagama akizungumza na wakazi wa Kata ya Kiomoni (hawapo pichani) kukagua na kuona miradi iliyoanzishwa na kikundi cha vijana wa kata ya hiyo, mkoani Tanga ikiwa ni sehemu ya maadhimisho ya wiki ya vijana inayoendelea.

Michezo Mhe. Alli Karume wakikabidhi mchango wa Milioni 2 na laki 1 kwa kiongozi wa kikundi cha vijana wa bustani za mbogamboga Kata ya Kiomoni.

Na Mwandishi Wetu:

Vijana nchini wamehimizwa kuchangamkia fursa za kiuchumi zilizopo katika maeneo yao ili kuweza kubuni miradi itakayowawezesha kujikimu na kuchangia maendeleo ya nchi yao.

Hayo yameelezwa na Waziri wa Nchi, Ofisi ya Waziri Mkuu anayeshughulikia Sera, Bunge, Kazi, Vijana, Ajira na Wenye Ulemavu Mhe. Jenista Mhagama (Mb) alipotembelea kikundi cha vijana cha bustani ya mbogamboga katika Kata ya Kiomonimkoani Tanga Octoba 11, 2018 na kueleza kuwa asilimia 56% ni vijana ambao ndio nguvu kazi ya taifa, hivyo wanapaswa kuchangamikia fursa mbalimbali zilizopo nchini ili kukabiliana na tatizo la ukosefu wa ajira.

“Vijana hawa wakitengenezewa mazingira wezeshi na kupatiwa ujuzi wataweza kujiariji na kuajiri wenzao kwa kufanya kazi zenye staha zitakazo wawezesha kujipatia kipato.” alisema Mhagama

 

Waziri wa Nchi, Ofisi ya Waziri Mkuu (Sera, Bunge, Kazi, Vijana, Ajira na Wenye Ulemavu) Mhe. Jenista Mhagama akielezea jambo kwa vijana alipotembelea bustani za mbogamboga za kikundi hiko.

Waziri wa Vijana, Utamaduni, Sanaa na Michezo Mhe. Alli Karume akizungumza na wakazi wa Kata ya Kiomoni walipofanya ziara kukagua na kuona miradi iliyoanzishwa na vijana Mkoa wa Tanga.

Waziri wa Nchi, Ofisi ya Waziri Mkuu (Sera, Bunge, Kazi, Vijana, Ajira na Wenye Ulemavu) Mhe. Jenista Mhagama na Waziri wa Vijana, Utamaduni, Sanaa na

Aliongeza kuwa, Serikali imeendelea kuwajali vijana kwa kutoa mikopo kote nchini kupitia vikundi mbalimbali vya vijana kulingana na miradi wanayotekeleza, hivyo watumie fursa hiyo kwa kupata mitaji itakayowawezesha kuanzisha miradi itakayowakomboa kiuchumi.

Aidha, Waziri Mhagama aliwapongeza vijana kwa uamuzi na ubunifu waliochukua katika kuanzisha mradi huo na alitoa rai kwa vijana wote nchini kuacha kukaa vijiweni na badala yake watumie muda wao kujishughulisha na kuwa chachu ya maendeleo ya taifa.

Naye Mkuu wa Mkoa wa Tanga, Mhe. Martine Shigela amewataka vijana kuungana na kuwa chazo cha mabadiliko ya kiuchumi kwa kuachana na tabia ya kufanya kazi za zisizo na malengo nakuwasisitiza kutambua kuwa wanamchango mkubwa katika maendeleo ya nchi.


FacebooktwittermailFacebooktwittermail