Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Ujenzi wa SGR Wabakiza Km. 61 kutoka Moro – Dar

*Asema Serikali itatekeleza miradi yote iliyoianzisha

WAZIRI MKUU Kassim Majaliwa amesema ujenzi wa Reli ya Kisasa (SGR) umebakiza km.61 tu za ukamilishaji kutoka Morogoro kwenda Dar es Salaam na kwamba ifikapo Desemba, 2020 mtu anaweza kusafiri kwa kiberenge kutoka Pugu hadi kituo cha Kwala, Morogoro.

“Mkurugenzi Mkuu ameniambia mpaka sasa mmeshatandika reli kwa umbali wa kilometa 144, kati ya kilometa 205 za kutoka Dar es Salaam hadi Morogoro. Hii ni hatua kubwa sana.”

Alitoa kauli hiyo jana (Jumatano, Novemba 18, 2020) alipotembelea na kukagua ujenzi wa kituo cha SGR kilichopo mkoani Morogoro. Ujenzi wa kipande Dar es Salaam hadi Morogoro umefikia asilimia 90 ukijumuisha maandalizi ya awali, uundaji wa ndani (survey), usanifu wa awali na wa kina na ujenzi pamoja na maandalizi ya majaribio.

Leave a Reply

Your email address will not be published. Required fields are marked *