Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

RC Morogoro Awapongeza Watendaji Wilayani Ulanga

Mkuu wa Mkoa wa Morogoro Loata Sanare akitoa maelekezo kwa Watendaji wa Wilaya ya Ulanga Wakiongozwa na Mkuu wa Wilaya Mh. Ngollo Malenya mara baada ya kukagua soko la Mahenge

RC Morogoro Awapongeza Watendaji Wilayani Ulanga

Mkuu wa Mkoa wa Morogoro, Loata Ole Sanare amewapongeza Mkuu wa Wilaya ya Ulanga Ngollo Malenya na Mkurugenzi Mtendaji wa Halmashauri ya wilaya hiyo, Jonas Malosa kwa kusimamia vizuri miradi ya maendeleo inayoendelea kutekelezwa katika wilaya hiyo ikiwemo Hospitali ya wilaya.

Loata Sanare ametoa pongezi hizo Mei 18 mwaka huu baada ya kutembelea miradi miwili ya maendeleo ambayo ni ujenzi wa majengo matano ya Hospitali ya Wilaya ya Ulanga yanayojengwa kwa ufadhili wa fedha za Global Fund na ujenzi wa soko la Mahenge Mjini.

Sanare amesema kwa mara ya kwanza amefurahishwa na hatua iliyofikiwa ya ukamilishaji ya miradi hiyo na kumpongeza Mkuu wa Wilaya, Mkurugenzi Mtendaji pamoja na watendaji wao wote kwa usimamizi wa miradi hiyo na kuwataka wakamilishe kazi zilizobaki ili wananchi wa Mahenge waanza kupata huduma zinazokusudiwa.

“Kwa ujumla kazi imefanyika, niwapongezez kwa kusimamia kazi hii vizuri, toka niondoke hali niliyoikuta sio kama nilivyoaacha, ni maelekezo nilitoa wakati ule kwamba rekebisheni hapa na hapa, nimejiridhisha kazi imefanyika vizuri”, alipongeza Sanare.

Hata hivyo amewataka watendaji hao kuendelea kusimamia kazi chache zilizobaki katika miradi hiyo na kuwataka kusimamia kwa umakini mkubwa fedha zinazoletwa na Serikali au wadau wengine wa maendeleo zinafanya kazi iliyokusudiwa.

Amesema fedha za Serikali zinaletwa kwa ajili ya kuwahudumia wananchi na lengo hilo linakamilika pale tu huduma zinapoanza kutolewa kwa wananchi katika mradi husika, hivyo amewaagiza watendaji hao kukamilisha kazi hizo kabla ya mwezi Julai 2020 yaani kabla ya mwaka wa fedha wa mwaka huu kuisha.

Majengo matano yanayojengwa katika hospitali hiyo ya wilaya ni pamoja na jengo la famasi, jengo la incinerator (kichomea taka), jengo la wodi ya wanaume, jengo la wodi ya wanawake, na jengo la kliniki ya macho. Majengo haya manne yamejengwa kwa gharama ya shilingi Mil. 400 ikiwa ni fedha kutoka global fund kupitia OR- TAMISEMI na jengo moja la macho limejengwa kwa ufadhili wa EYE CARE FOUNDATION kwa gharama ya Tsh. Mil 65.

Kwa mujibu wa Afisa Kilimo wa Halmashauri ya Wilaya ya Ulanga, Joseph Mkude amesema mradi wa soko hilo ulianza tarehe 17/10/2014 chini ya mpango wa DADP ikiwa ni uamuzi uliopitishwa na wananchi ukiwa na lengo la kuhakikisha wafanyabiashara wa mazao ya shambani na mifugo wanapata jengo bora la kuhifadhia na kuuzia ili kuepuka kufanya biashara katika maeneo yasiyo rasmi. Mradi huo umegharimu shilingi Mil 201 hadi kukamilika kwake.

Katika hatua nyingine Mkuu wa Mkoa wa Morogoro Loata Sanare amewataka wafanyabiashara wa Mjini Mahenge husuan wanaojihusisha na uuzaji wa sukari, kuuza bidhaa hiyo kwa kufuata maelekezo yaliyotolewa na Serikali.

Ametoa maelekezo hayo baada ya kutembelea baadhi ya maduka ya Mji wa Mahenge na kubaini wafanyabiashara hao wakiuza sukari kilo moja shilingi Elfu Nne tofauti na bei iliyoelekezwa na Serikali na kuwaagiza Mkuu wa Polisi wa Wilaya ya Ulanga kushirikiana na Afisa Biashara na Maafisa wa TRA kuwachukulia hatua za kisheria wote wanaouza Sukari kwa bei ya juu.

3 thoughts on “RC Morogoro Awapongeza Watendaji Wilayani Ulanga

  • August 11, 2020 at 3:05 am
    Permalink

    It’s appropriate time to make a few plans for
    the long run and it is time to be happy. I’ve read this publish and if I may I desire to recommend you some
    fascinating things or tips. Maybe you could write next articles regarding
    this article. I wish to read even more issues approximately it!

    Reply
  • August 12, 2020 at 8:08 am
    Permalink

    This is very attention-grabbing, You’re a very professional
    blogger. I have joined your rss feed and look forward to seeking extra of your great post.
    Also, I have shared your website in my social networks
    adreamoftrains webhosting

    Reply
  • August 14, 2020 at 4:50 pm
    Permalink

    I think this is among the most important info for me.
    And i am glad reading your article. But want to remark on few general things, The web site style
    is great, the articles is really nice : D. Good job, cheers

    Reply

Leave a Reply

Your email address will not be published. Required fields are marked *