Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Rais Samia Ahudhuria Dhifa ya Kitaifa Jijini Bujumbura

Rais wa Jamhuri ya Muungano wa Tanzania, Mhe. Samia Suluhu Hassan, leo tarehe 16 Julai, 2021 amehudhuria Dhifa ya Kitaifa iliyoandaliwa na mwenyeji wake Rais wa Jamhuri ya Burundi Mhe. Rais Evariste Ndayishimiye Ikulu Jijini Bujumbura.

Akizungumza wakati wa Dhifa hiyo Mhe. Rais Samia amempongeza Mhe. Rais Ndayishimiye kwa kazi kubwa anayoifanya tangu ashike madaraka ya kuiongoza nchi hiyo.

Mhe. Rais Samia amesema Mhe. Rais Ndayishimiye katika kipindi kifupi cha utawala wake ameongoza mapambano dhidi ya rushwa, ameanzisha mageuzi ya kiuchumi na kijamii, ameimarisha amani na usalama na kuimarisha uhusiano na nchi mbalimbali pamoja na taasisi za kimataifa.

Leave a Reply

Your email address will not be published. Required fields are marked *

ev eşyası depolama