Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Endesheni Siasa za Kistaarabu Uchaguzi Mkuu- Majaliwa

Na Jonas Kamaleki, Dodoma

Waziri Mkuu wa Jamhuri ya Muungano wa Tanzania, Mhe. Kassim Majaliwa amesema katika kuelekea kwenye Uchaguzi Mkuu ni vema viongozi wa vyama vya siasa nchini wakaonesha mfano wa kuendesha siasa za kistaarabu zenye lengo la kuwaunganisha watanzania na siyo kuwatenganisha.

Ameyasema hayo leo wakati akiwasilisha Bungeni hotuba ya Mapitio na Mwelekeo wa Kazi za Serikali na Makadirio ya Mapato na Matumizi ya Fedha za Ofisi ya Waziri Mkuu na Ofisi ya Bunge kwa mwaka 2020/2021, Bungeni jijini Dodoma

Soma Zaidi


FacebooktwittermailFacebooktwittermail

Taarifa kwa Umma

“Nimepokea kwa mshtuko na masikitiko taarifa za kifo cha ghafla cha mtangazaji maarufu na mahiri Ndg. Marine Hassan kilichotokea leo asubuhi Jijini Dar es Salaam. Marine Hassan aliipenda kazi yake ya uandishi wa habari, aliifanya kwa weledi wa hali ya juu, alikuwa mzalendo wa kweli na alidhamiria kuitumikia nchi yake kupitia chombo cha habari cha Taifa (TBC) kwa nguvu na juhudi zake zote”.

Hii ni sehemu ya salamu za rambirambi za Rais wa Jamhuri ya Muungano wa Tanzania, Mhe. Dkt. John Pombe Magufuli alizozitoa kufuatia kifo cha Mwandishi wa Habari Mwandamizi na mtangazaji maarufu wa Soma Zaidi


FacebooktwittermailFacebooktwittermail

Vijiji 9,001 Nchini Vimeunganishiwa Umeme – Majaliwa

Waziri Mkuu, Kassim Majaliwa amesema Serikali imefanikiwa kutekeleza Mradi wa Usambazaji wa Umeme Vijijini (REA) ambapo vijiji vilivyounganishiwa umeme nchini vimeongezeka kutoka vijiji 2,118 mwaka 2015 hadi vijiji 9,001 mwezi Machi 2020.

Amesema kuwa jumla yataasisi 11,128 zikiwemo za elimu, afya, dini, mashine za kusukuma maji na huduma za biashara zimenufaika na mradi, hivyo mafanikio hayo pamoja na mengine makubwa yaliyopatikandani ya kipindi cha takriban miaka mitano yamesaidia kuimarisha hali ya kiuchumi wa Taifa na kijamii kwa ujumla.

Soma Zaidi


FacebooktwittermailFacebooktwittermail

Serikali Yawezesha Upatikanaji Ajira Milioni 12.6

Waziri Mkuu, Kassim Majaliwa amesema utekelezaji wa miradi ya maendeleo na uboreshaji wa huduma za jamii unaofanywa na Serikali ya Awamu ya Tano umechangia kuzalisha ajira milioni 12.6 kwenye sekta mbalimbali nchini. 

Ameyasema hayo, Aprili mosi, 2020 wakati akiwasilisha hotuba kuhusu Mapitio na Mwelekeo wa Kazi za Serikali na Makadirio ya Mapato na Matumizi ya Fedha za Ofisi ya Waziri Mkuu na Ofisi ya Bunge kwa mwaka 2020/2021.

“Mafanikio haya katika utekelezaji wa miradi ya maendeleo na uboreshaji wa huduma za jamii yameenda sambamba na uzalishaji wa ajira zipatazo milioni 12.6 zikiwemo ajira za moja kwa moja milioni 11.7 kwenye sekta mbalimbali nchini,” amesema. Soma Zaidi


FacebooktwittermailFacebooktwittermail

Waziri Mkuu Atoa Neno kwa Viongozi wa Vyama vya Siasa

Waziri Mkuu, Kassim Majaliwa amesema katika kuelekea kwenye Uchaguzi Mkuu ni vema viongozi wa Vyama vya Siasa nchini wakaonesha mfano wa kuendesha siasa za kistaarabu zenye lengo la kuwaunganisha watanzania na siyo kuwatenganisha.

“Hivyo basi, tudumishe utulivu, amani, mshikamano pamoja na ustaarabu wetu wa Kitanzania katika kipindi chote cha kampeni na Uchaguzi Mkuu ili kulifanya Taifa letu kuendelea kuwa kisiwa cha amani na mfano wa kuigwa barani Afrika na duniani kwa ujumla.”

Soma Zaidi


FacebooktwittermailFacebooktwittermail

Majaliwa: Atakayethibitika na Corona Apelekwe Eneo Maalumu Bila Kujali Cheo

Waziri Mkuu, Kassim Majaliwa, akisoma Hotuba ya Mapitio na Mwelekeo wa Kazi za Serikali, pamoja na makadirio ya mapato na matumizi ya fedha za Ofisi ya Waziri Mkuu na Ofisi ya Bunge kwa mwaka 2020/2021, Aprili 1, 2020.

Waziri Mkuu Kassim Majaliwa amesisitiza kuwa mtu yeyote atakayethibitika kuwa na ugonjwa wa homa kali ya mapafu unaosababishwa na virusi vya Corona (COVID-19) apelekwe eneo maalum bila kujali cheo chake na atalala palipoandaliwa.

Amewataka Watanzania wazingatie masharti ya afya kwa kufuata ushauri unaotolewa na Serikali kwa sababu hivi sasa nchi yetu na dunia kwa ujumla inapitia katika kipindi kigumu pia, waendelee kupuuza taarifa za uzushi zinazosambazwa katika mitandao ya kijamii.

Soma Zaidi


FacebooktwittermailFacebooktwittermail

Mashine Mpya Kuongeza Uzalishaji Vitambulisho NIDA – Simbachawene

 

Waziri wa Mambo ya Ndani ya Nchi, George Simbachawene akizungumza katika Mkutano na Waandishi wa Habari uliofanyika leo katika Ukumbi wa wizara, jijini Dodoma ambapo ameahidi kuwashughulikia Watendaji wa Mamlaka ya Vitambulisho vya Taifa (NIDA) wasiotoa huduma stahiki kwa wananchi wanaofika kuomba vitambulisho

Na Mwandishi Wetu, Dodoma

Serikali imenunua mashine mpya yenye thamani ya sh bilion 8.5 yenye uwezo wa kufyatua vitambulisho 9000 kwa saa.

Akizungumza na Waandishi wa Habari, Waziri wa Mambo ya Ndani, George Simbachawene alisema tayari Serikali imenunua mashine mpya ambazo zitakamilishwa kufungwa Aprili mwaka huu kwa ajili ya kuanza kufanya kazi.

Alisema mtambo huo mpya una uwezo wa kuzalisha vitambulisho 9, 000 kwa saa jambo ambalo kwa siku nzima wana uwezo wa kutoa vitambulisho vya kutosha kwa wananchi wake.

Alisema mitambo mipya na ikishirikiana na ile ya zamani wanaamini watatoa vitambulisho vingi ambapo wanatarajia kukamilisha zoezi hilo ndani ya miaka miwili.

“Safari hii vitambulisho vitakuwa bora, awali vilivyotolewa havikuwa na ubora kutokana na mashine kuwa chakavu, ” alisema Simbachawene.

Alisema awali mtambo ulikuwa ukizalisha vitambulisho 500 lakini hivi sasa vitaboreshwa na kuzalishwa vitambulisho vingi kwa siku ili kukamilisha zoezi hilo.

Hata hivyo aliwaomba radhi wananchi kutokana na kupata shida katika zoezi hilo hivyo amewaahidi hivi sasa litafanyika kwa haraka zaidi.

Alisema mashine hizo ni bora na zitafanikiwa kukamilisha zoezi hilo ndani ya miaka miwili kwa watanzania wote au pungufu ya miaka hiyo.

Zoezi la utoaji vitambulisho linaendelea ambapo hadi sasa ni watu milioni sita pekee ndio wamekabidhiwa vitambulisho vya Taifa kati ya milioni 27. 7 waliotarajiwa kusajiliwa
Mpaka sasa tayari NIDA imefanikiwa kutoa vitambulisho milioni sita na kutambua wananchi milioni 21. 8, hadi sasa kati ya watu 27.7 waliotarajiwa kusajiliwa.

Jumla ya namba za kipekee za utambulisho ni milioni 17. 8 zilikiwa zimezalishwa na zinaweza kutumika katika utambuzi wa watu.

 


FacebooktwittermailFacebooktwittermail

Dkt. Mabula Asikitishwa na Wakurugenzi Wasiofuatiliia Wadaiwa Sugu Kodi ya Pango la Ardhi

Naibu Waziri Wizara ya Ardhi, Nyumba na Maendeleo ya Makazi, Dkt. Angeline Mabula akizungumza na Wakurugenzi pamoja na Wataalam wa Idara ya Ardhi wa Halmashauri sita za Mkoa wa Simiyu kuhusu ukusanyaji kodi ya Pango la Ardhi pamoja na utunzaji wa nyaraka za sekta ya Ardhi.

Mwandishi Wetu- SIMIYU

Naibu Waziri Wizara ya Ardhi, Nyumba na Maendeleo ya Makazi Dkt. Angelina Mabula amesikitishwa sana na Wakurugenzi katika Halmashauri za Mkoa wa Simiyu kutojishughulisha na ufuatiliaji wa kodi ya pango la Ardhi.

Naibu Waziri aliyasema hayo katika ziara yake Mkoani Simiyu, alipokutana na Wakurugenzi pamoja na maafisa mbalimbali wa Sekta ya Ardhi mkoani humo kwa lengo la kugawa vifaa vya kusaidia ukusanyaji kodi ya pango la Ardhi pamoja na kukagua utunzaji wa nyaraka katika masjala za Ardhi.

Soma Zaidi


FacebooktwittermailFacebooktwittermail