Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Mfumuko wa Bei Mwezi Oktoba Waongezeka kwa Asilimia 0.2

News 144 Comments

Kaimu Mkurugenzi wa Takwimu za Jamii na Sensa ya watu Ofisi ya Taifa ya Kwimu (NBS), Bibi. Ruth Minja akizungumza na waandishi wa habari kuhusu hali ya mfumuko wa bei leo jijini Dodoma. Kushoto ni Mtakwimu Mwandamizi, Bw. Paskas Sawaki. asilimia 3.6 kutoka 3.4 kwa mwaka ulioshia Septemba 2019.

Na: Mwandishi Wetu, MAELEZO -Dodoma

Mfumuko wa bei wa Taifa kwa kipimo cha mwaka unaoishia mwezi Oktoba 2019 umeongezeka hadi asilimia 3.6 kutoka asilimia 3.4 mwaka ulioishia mwezi Septemba 2019 ikiwa ni ongezeko la asilimia 0.2.

Akizungumza katika mkutano na waandishi wa habari leo jijini Dodoma, Kaimu Mkurugenzi wa Takwimu za Jamii na Sensa ya Watu, Bibi. Ruth Minja amesema kuwa ongezeko hilo limetokana na kasi ya bei za bidhaa na huduma kwa mwaka ulioishia mwezi Oktoba, 2019 imeongezeka ikilinganishwa na kasi iliyokuwepo kwa mwaka ulioishia mwezi Septemba2019.

Kaimu Mkurugenzi wa Takwimu za Jamii na Sensa ya watu Ofisi ya Taifa ya Kwimu (NBS), Bibi. Ruth Minja akifafanua jambo alikukuwa akizungumza na waandishi wa habari kuhusu hali ya mfumuko wa bei kwa mwezi Oktoba 2019 leo jijini Dodoma. Kushoto ni Mkuu wa Kitengo cha Mawasiliano na Usambazaji Habari Ofisi ya Taifa ya Takwimu (NBS), Bw. Said Ameir. asilimia 3.6 kutoka 3.4 kwa mwaka ulioshia Septemba 2019.

Waaandishi wa Habari wakimsikiliza Kaimu Mkurugenzi wa Takwimu za Jamii na Sensa ya watu Ofisi ya Taifa ya Takwimu (NBS), Bibi. Ruth Minja (hayupo pichani) alipokuwa akizungumza kuhusu mfumuko wa bei kwa mwezi Oktoba 2019 leo jijini Dodoma. Mfumuko wa bei wa taifa kwa mwaka hadi Oktoba umeongezeka hadi asilimia 3.6 kutoka 3.4 kwa mwaka ulioshia Septemba 2019.(Picha na: Idara ya Habari – MAELEZO)

“Fahirisi za Bei zimeongezeka hadi 115.84 mwezi Oktoba, 2019 kutoka 111.83 mwezi Oktoba, 2019,” alisema Bibi. Ruth

“Ongezeko hili la mfumuko wa bei limetokana na ongezeko la bei za bidhaa za Vyakula na Vinywaji Baridi  ambapo mfumuko wa bei kwa mwezi Oktoba, 2019 umeongezeka hadi asilimia 5.1 toka asilimia 4.0 mwezi Septemba, 2019.” Alisema Bibi. Ruth.

Aidha amesema kuwa mfumuko wa bei kwa bidhaa na huduma zote ambazo hazijumuishi chakula na nishati kwa mwezi Oktoba, 2019 umepungua kidogo hadi asilimia 2.6 kutoka asilimia 2.6 kutoka  asilimia 2.7 Septemba, 2019

“Fahirisi za Bei kati ya mwezi Septemba, 2019 na mwezi Oktoba, 2019 zimepungua kwa asilimia 0.1 ambapo badiliko ni sawa na badiliko lilivyokuwa kati ya mwezi Agosti, 2019 na mwezi Septemba 2019.”Alisema Bibi. Ruth.

Alizitaja baadhi ya bidhaa zilizochangia kupungua kwa fahirishi kuwa ni pamoja na mafuta ya taa kwa asilimia 2.5, dieseli kwa asilimia 2.1, petrol kwa asilimia 4.0. vifaa kwa ajili ya uchakataji wa taarifa kama kompyuta kwa asilimia 5.1 na baadhi ya huduma binafsi.

Tanzania kupitia Ofisi ya Taifa ya Takwimu (NBS) ambayo ndiyo mamlaka ya kutangaza takwimu pamoja na nchi wanachama wa Jumuiya ya Afrika Mashariki imekuwa na utaratibu wa kutangaza matokeo ya mfumuko wa bei  kila mwezi ambapo ambapo mfumuko wa bei katika nchi hizo utangazwa.

144 thoughts on “Mfumuko wa Bei Mwezi Oktoba Waongezeka kwa Asilimia 0.2”

Leave a Reply

Your email address will not be published. Required fields are marked *