Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Madalali wa Minada Kusajiliwa Kielektroniki

Uncategorized 103 Comments
Mkurungezi wa Takwimu za Uchumi, Ofisi ya Taifa ya Takwimu (NBS), Bw. Daniel Masolwa, (Kushoto) akiangalia vipeperushi kuhusu Mfumo wa Kielektroniki wa Utoaji Leseni za Udalali na Uendeshaji Minada ya Hadhara, alipotembelea banda la Wizara hiyo katika Maonesho ya Nanenane yanayofanyika kitaifa uwanja wa John Mwakangale, jijini Mbeya. Kulia ni Msimamizi wa mali za Serikali Wizara ya Fedha na Mipango, Bw. George Killo, na katikati ni Afisa Masoko wa NBS Bw. Andrew Punjila.

Na. Rahma Taratibu na Hilda Mlay, SJMC, Mbeya.

Wizara ya Fedha na Mipango imeandaa mfumo wa kielektroniki wa utoaji Leseni za Udalali na Uendeshaji minada ya hadhara ambao utawezesha uombaji na upatikanaji wa Leseni kwa njia ya kielektroniki kwa kutumia simu za mkononi ili kuwaondolea wananchi adha na gharama ya kufuata leseni hizo Makao Makuu – Dodoma.

Akizungumza wakati akitoa elimu kwa wananchi waliotembelea banda la Wizara katika Maonesho ya Nanenane jijini Mbeya, Msimamizi wa mali za Serikali wizarani hapo, Bw. George Killo, alisema kuwa mfumo huo utamuwezesha mwananchi kufanya usajili popote alipo hivyo kupata leseni yake kwa wakati.

Afisa Mipango – Mwandamizi wa Mamlaka ya Masoko ya Mitaji na Dhamana, (CMSA), Bw. Godfrey Laurent Makoi, (kushoto) na Bw. Christopher Ngonyani, wakiwaeleza Bw. William Mgeni na Bi. Gladness Charles kuhusu uwekezaji kwenye hati fungani na hisa walipotembelea banda la Wizara ya Fedha na Mipango katika Maonesho ya Nanenane yenye kauli mbiu ‘Ajenda 10/30 – Kilimo ni biashara, shiriki kuhesabiwa kwa mipango bora ya Kilimo, Uvuvi Na Mifugo”, yanayofanyika kitaifa uwanja wa John Mwakangale, jijini Mbeya.

“Mwombaji wa leseni ya udalali anapaswa kujisajili kupitia tovuti ya Wizara (www.mof.go.tz) na kisha kubonyeza kipengele cha GAMIS na kujisajili, kujaza taarifa zinazohitajika, kujaza fomu za maombi kikamilifu na kuwasilisha kwa Katibu Tawala wa Wilaya husika kwa ajili ya uhakiki na saini.” Alieleza Bw. Killo.

103 thoughts on “Madalali wa Minada Kusajiliwa Kielektroniki”

Leave a Reply

Your email address will not be published. Required fields are marked *

ev eşyası depolama