Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Kukanusha Taarifa ya Upotoshaji Inayosambaa kwenye Mitandao ya Kijamii Dhidi ya Waziri Simbachawene

Kumekuwepo na taarifa ya uongo inayosambaa katika mitandao ya kijamii hapa nchini inayodai kuwa “Mhe. Mbunge wa Jimbo la Kibakwe amelazwa hospitali ya Taifa Muhimbili kwa ajali ya gari”.

Wizara ya Mambo ya Ndani ya Nchi inapenda kuujulisha Umma kuwa taarifa hiyo haina ukweli wowote, Waziri wa Mambo ya Ndani ya Nchi George B. Simbachawene (Mb) yuko salama na anaendelea kutekeleza majukumu yake jijini Dodoma.

Aidha, Wizara inatoa onyo kali kwa mtu yeyote anayejihusisha na matukio ya uhalifu wa usambazaji   wa taarifa za uongo zenye lengo la kuzua taharuki na hofu kwa watanzania na wapiga kura wa Waziri Simbachawene.

Wizara itachukua hatua kali kwa mtu yeyote atakayebainika kuhusika na tukio hilo la kusambaza taarifa za uongo na upotoshaji wa aina yoyote.

133 thoughts on “Kukanusha Taarifa ya Upotoshaji Inayosambaa kwenye Mitandao ya Kijamii Dhidi ya Waziri Simbachawene

Leave a Reply

Your email address will not be published. Required fields are marked *