Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Zungua Atoa Onyo Kali kwa Wanaokika Sheria na Kutoa Maelekezo kwa NEMC

Na Lulu Mussa

Dar es Salaam

Waziri wa Nchi Ofisi ya Makamu wa Rais Mhe. Mussa Zungu amesema katika kipindi hiki cha miezi tisa (9) tangu Kanuni za Usimamizi wa Mazingira za Kupiga marufuku mifuko ya Plastiki za mwaka 2019 zianze kutekelezwa, Serikali imefanya jitihada za kutoa elimu kwa wadau mbalimbali, kuandaa viwango vya ubora wa mifuko mbadala ya Non-woven, kufanya kaguzi katika maeneo ya uzalishaji, usambaji na uuzaji wa mifuko mbadala.

Akifungua kikao cha wadau katika ukumbi wa LAPF, Kijitonyama chenye lengo la kukuza uelewa wa Sheria na Utekelezaji wa Kanuni ya Katazo la Mifuko ya Plastiki kwa wazalishaji, waingizaji, wasambazaji na wauzaji wa mifuko mbadala Jijjini Dar es Salaam, Zungu ameainisha kuwa mifuko mbadala inayoruhusiwa kisheria kutumika kubebea bidhaa hapa nchini ni lazima ikidhi matakwa ya kisheria. Read more


FacebooktwittermailFacebooktwittermail

Jeshi la Magereza Kujitegemea kwa Kutumia Rasilimali Zake

Kamishna wa Utawala na Rasilimali watu wa Jeshi la Magereza, Uwesu Ngarama akitoa taarifa fupi katika Kikao kazi cha Maafisa Waandamizi wa Jeshi hilo kilichofanyika katika Ukumbi wa Chuo cha Mipango, Jijini Dodoma.

Na ASP. Lucas Mboje, Dodoma

Mkuu wa Jeshi la Magereza nchini, Kamishna Jenerali Suleiman Mzee, amesema kuwa Jeshi hilo limeanza kuyafanyia kazi maagizo mbalimbali ya Rais Dkt. John Pombe Magufuli la kuhakikisha linatekeleza mikakati ya kuanza kujitegemea ikiwemo kujitosheleza kwa chakula cha wafungwa magerezani kwa kutumia rasilimali zilizopo.

Read more


FacebooktwittermailFacebooktwittermail

Majaliwa Kufunga Mkutano Mkubwa wa Wadau Sekta ya Madini

Naibu Waziri wa Madini, Stanslaus Nyongo akizungumza na Wahariri wa Vyombo vya Habari Nchini (hawapo pichani) leo katika ofisi ndogo za Wizara hiyo Jijini Dar es Salaam kuhusu mkutano mkubwa wa madini utakaofanyika katika Kituo cha Mikutano cha Julius Nyerere Jijini Dar es Salaam kuanzia Februari 21 hadi 23,2020.

Na.Mwandishi wetu

Waziri Mkuu wa Jamhuri ya Muungano wa Tanzania Kassim Majaliwa anatarajiwa kuwa mgeni rasmi katika hafla ya kufunga mkutano mkubwa wa sekta ya madini utakaoambatana na utoaji wa cheti cha umahiri kwa madini ya bati utakaofanyika katika Kituo cha Kimataifa cha Mikutano cha Julius Nyerere (JNICC) Jijini Dar es Salaam Jumamosi wiki hii.

Read more


FacebooktwittermailFacebooktwittermail

Wananchi Wafurahia Kufunguliwa kwa Ofisi ya TRA Kilolo

Afisa Msimamizi Mwandamizi wa Kodi Bw. Barnabas Masika kutoka Mamlaka ya Mapato Tanzania (TRA) akitoa elimu ya kodi kwa mfanyabiashara wa eneo la Ilula Wilaya ya Kilolo mkoani Iringa wakati wa kampeni ya elimu kwa mlipakodi inayoendelea kufanyika mkoani humo. Kampeni hiyo inatarajiwa kumalizika tarehe 22 Februari, 2020.

Na Veronica Kazimoto

Wananchi na wafanyabiashara wa Wilaya ya Kilolo mkoani Iringa wamefurahia kitendo cha Mamlaka ya Mapato Tanzania (TRA) kufungua ofisi wilayani humo na kusema kuwa, uwepo wa ofisi hiyo siyo tu umewasogezea huduma karibu bali utaongeza tija katika ukusanyaji mapato ya Serikali.

Wakizungumza kwa nyakati tofauti wakati wa kampeni ya elimu kwa mlipakodi inayoendelea mkoani humo, wananchi hao wamesema kuwa, awali walikuwa wakisafiri umbali mrefu kwenda Iringa mjini kufuata huduma za TRA suala lililopelekea kutumia muda mwingi tofauti na ilivyo hivi sasa.

Baadhi ya wananchi na wafanyabiashara wa Kata ya Dabaga Wilaya ya Kilolo mkoani Iringa wakimsikiliza kwa makini Afisa Msimamizi Mkuu wa Kodi Bi. Rose Mahendeka kutoka Mamlaka ya Mapato Tanzania (TRA) (hayupo pichani) wakati wa kampeni ya elimu kwa mlipakodi inayoendelea kufanyika mkoani humo. Kampeni hiyo inatarajiwa kumalizika tarehe 22 Februari, 2020.

Read more


FacebooktwittermailFacebooktwittermail

Ofisi ya Msajili wa Vyama vya Siasa Yapongezwa Uandaaji Bajeti

Kaimu Kamishna wa Fedha za Nje toka Wizara ya Fedha na Mipango, Bw. Robert Mtengule akiongoza kikao cha mapitio ya Bajeti ya Ofisi ya Msajili wa Vyama vya Siasa (ORPP) leo jijini Dodoma.

Mkuu wa Kitengo cha Mipango, Ufuatiliaji na Tathmini Ofisi ya Masajili wa Vyama vya Siasa, Eleuter. Mazome akizungumza wakati wa kikao cha mapitio ya Bajeti ya Ofisi ya Msajili wa Vyama vya Siasa (ORPP) leo jijini Dodoma. Kulia ni Kaimu Kamishna wa Fedha za Nje toka Wizara ya Fedha na Mipango, Bw. Robert Mtengule.

Afisa Usimamizi wa Fedha(FMO) kutoka Wizara ya Fedha na Mipango,Bw. Ezekiel Odipo ambaye pia ni Msimamizi wa Dawati la Bajeti ya Ofisi ya Msajili wa Vyama vya Siasa akichangia mada wakati wa kikao cha mapitio ya Bajeti ya Ofisi ya Msajili wa Vyama vya Siasa (ORPP) leo jijini Dodoma.

: Baadhi ya wajumbe Kikao cha Mapitio ya Bajeti ya Ofisi ya Msajili wa Vyama vya Siasa ya Mwaka 2020/2021 toka ofisi hiyo wakifuatilia maoni ya Mwenyekiti wa kikao hicho ambaye pia ni Kaimu Kamishna wa Fedha za Nje toka Wizara ya Fedha na MipangoBw. Robert Mtengule (hayupo pichani) katika kikao kilichofanyika kwenye ukumbi wa mikutano wa ORPP jijini Dodoma.

Baadhi ya wajumbe wa kikao cha Mapitio ya Makadirio ya Bajeti ya Mwaka 2020/2021 ya Ofisi ya Msajili wa Vyama vya Siasa (ORPP) toka Wizara ya Fedha na Mipango wakifuatilia maoni ya Mwenyekiti wa kikao hicho ambaye pia ni Kaimu Kamishna wa Fedha za Nje toka Wizara ya Fedha na Mipango Bw. Robert Mtengule (hayupo pichani) katika kikao kilichofanyika kwenye ukumbi wa mikutano wa ORPP jijini Dodoma.

Baadhi ya wajumbe wa kikao cha Mapitio ya Makadirio ya Bajeti kwa Mwaka wa Fedha 2020/2021 ya Ofisi ya Msajili wa Vyama vya Siasa (ORPP) na Wizara ya Fedha wakifuatilia maoni ya Mwenyekiti wa kikao hicho ambaye pia ni Kaimu Kamishna wa Fedha za Nje toka Wizara ya Fedha na Mipango Bw. Robert Mtengule (hayupo pichani) katika kikao kilichofanyika kwenye ukumbi wa mikutano wa ORPP jijini Dodoma.Kikao hicho kimehusisha wajumbe kutoka Ofisi ya Msajili wa Vyama vya Siasa na Wizara ya Fedha na Mipango. (Picha na Ofisi ya Msajili wa Vyama vya Siasa – ORPP)


FacebooktwittermailFacebooktwittermail

Italia Yaahidi Kuwekeza Katika Hifadhi ya Mazingira

Waziri wa Nchi Ofisi ya Makamu wa Rais (Muungano na Mazingira), Mussa Azzan Zungu akisalimiana na Balozi wa Italia nchini Tanzania Mhe. Roberto Mengoni mara baada ya kuwasili katika Ofisi ndogo ya Makamu wa Rais, Mtaa wa Luthuli Dar es Salaam. Mazungumzo baina yao yamejikita katika nyanja za kuhifadhi na kusimamia mazingira nchini.

 

Waziri wa Nchi Ofisi ya Makamu wa Rais (Muungano na Mazingira) Mhe. Mussa Zungu amesema Serikali ya Tanzania iko tayari kuendeleza ushirikiano na Serikali ya Italia katika nyanja za Hifadhi na Usimamizi wa Mazingira.

Hayo ameyasema hii leo Jijini Dar es Salaam mara baada ya kufanya mazungumzo na Balozi wa Italia hapa nchini Mhe. Roberto Mengoni katika Ofisi ndogo ya Makamu wa Rais Mtaa wa Luthuli Jijini Dar es Salaam. Read more


FacebooktwittermailFacebooktwittermail

Serikali Yakanusha Kuporwa Ardhi ya Wananchi na Viongozi wa Umma.

Katibu Mkuu Wizara ya Ardhi Nyumba na Maendeleo ya Makazi Mary Makondo akizungumza na Waandishi wa Habari (Hawapo Pichani) jijini Dar es Salaam leo tarehe 18 Februari 2020 kutoa ufafanuzi kuhusiana na taarifa zilizosambaa kwenye mitandao ya Kjamii kuhusiana na kuporwa kwa ardhi ya wananchi na viongozi wa umma katika eneo la Ununio Manispaa ya Kinondoni Dar es Salaam. Kulia ni Kamishna wa Ardhi nchini Methew Nhonge na kushoto ni Kamishna Msaidizi wa Ardhi Kanda ya Kaskazini Leo Komba.

Na Munir Shemweta, WANMM DAR ES SALAAM

Serikali imekanusha taarifa ya kuporwa ardhi ya wananchi na viongozi wa umma kilichokuwa kiwanja NA 11 Eneo la Ununio katika Manispaa ya Kinondoni Dar es Salaam kama ilivyosambaa kwenye mitandao ya kijamii.

Akikanusha kuporwa kwa eneo hilo leo jijini Dar es Salaam mbele wa waandishi wa Habari, Katibu Mkuu Wizara ya Ardhi Nyumba na Maendeleo ya Makazi Mary Makondo alisema taarifa zinazosambaa katika mitandao ya kijamii kuhusiana na kuporwa kwa eneo hilo siyo za kweli kwa kuwa eneo hilo lilishabatilishwa kwa mujibu wa fungu la 48 (3) la sheria ya ardhi Na 4 (1999).

Makondo aliwaasa wananchi kuipuuza taarifa hiyo kwa kuwa ina lengo la kuwachafua viongozi na kubainisha kuwa, kwa mujibu wa sheria ya ardhi namba 4 (1999) Kamishna wa Ardhi anayo mamlaka kisheria kumilikisha ardhi kwa Mtanzania yoyote aliyetimiza masharti kisheria. Read more


FacebooktwittermailFacebooktwittermail

Rais Magufuli: Viongozi Waliochukua Fedha Za Tasaf Kinyume Na Malengo Wazirejeshe Haraka

Rais wa Jamhuri ya Muungano wa Tanzania Mheshimiwa Dkt. John Pombe Magufuli akizungumza kabla ya kuzindua Kipindi cha awamu ya Tatu ya Mpango wa Kunusuru Kaya Maskini kupitia Mfuko wa Maendeleo ya Jamii (TASAF III) katika ukumbi wa Mikutano wa Julius Nyerere International Convention Centre JNICC

 

RAIS Dkt. John Magufuli amewataka Viongozi wote wa Serikali waliochukua fedha za mpango wa kunusuru kaya maskini nchini kupitia Mfuko wa Maendeleo ya Jamii (TASAF) na kuzitumia isivyo sahihi kuzirejesha mara moja kwani serikali haipo tayari kuona fedha hizo zikitumika kinyume na malengo yaliyowekwa. Read more


FacebooktwittermailFacebooktwittermail

Israel Yakabidhi Rasmi Kitengo cha Huduma ya TRAUMA Hospitali ya Benjamin Mkapa

Na Jacquiline Mrisho 

Serikali ya Israel imeikabidhi rasmi Tanzania Kitengo cha Magonjwa ya Dharura na Majeruhi (TRAUMA UNIT) kilichopo katika Hospitali ya Benjamini Mkapa iliyopo jijini Dodoma

Makabidhiano hayo yamefanyika leo jijini Dodoma baina ya Mkuu wa Mkoa wa Dodoma, Dkt. Binilith Mahenge na Naibu Balozi wa Israel nchini Tanzania, Eyal David baada ya kumaliza kuweka miundombinu, vifaa tiba na kutoa mafunzo kwa wataalam wa afya watakaotoa huduma katika kitengo hicho.

Dkt. Mahenge ambaye alikuwa Mgeni Rasmi katika tukio hilo, amesema kuwa Rais wa Jamhuri ya Muungano wa Tanzania, Dkt, John Pombe Magufuli aligawa viwanja vilivyopo jijini Dodoma kwa Taasisi mbalimbali za Kimataifa hivyo kukiwa na huduma dhaifu za afya hakuna taasisi yoyote ya kigeni itakayokuwa tayari kuleta watu wake.

Read more


FacebooktwittermailFacebooktwittermail