Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Serikali Yaimarisha Maabara Kupima Washukiwa wa Corona

Waziri Mkuu, Kassim Majaliwa akijibu hoja mbalimbali za wabunge wakati alipohitimisha hoja kuhusu Mapitio na Mwelekeo wa Kazi za Serikali na Makadirio ya Mapato na Matumizi ya Fedha ya Ofisi ya Waziri Mkuu na Ofisi ya Bunge kwa Mwaka 2020/2021, Bungeni jijini Dodoma, Aprili 6, 2020.

Jonas Kamaleki, Dodoma

Waziri Mkuu wa Jamhuri ya Muungano wa Tanzania, Kassim Majaliwa amesema kuwa Serikali imeimarisha maabara nchini kwa ajili ya kupima washukiwa wa ugonjwa ugonjwa wa Homa Kali ya Mapafu (COVID-19) unaosababishwa na virusi vya Corona.

Amesema hatua hiyo itasaidia kupunguza maambukizi ya ugonjwa huo kwani upimaji huo utafanyika kote nchini badala ya kutegemea sehemu moja. Waziri Mkuu ametaja maabara hizo kuwa ziko Dar es Salaam, Tanga, Arusha, Mbeya, Mwanza, Morogoro, Kigoma, Pwani  na Dodoma.

Waziri Mkuu ameyasema hayo leo Bungeni, jijini Dodoma wakati alipohitimisha hoja  kuhusu  Mapitio na Mwelekeo wa Kazi za Serikali na Makadirio ya Mapato na Matumizi ya Fedha ya Ofisi ya Waziri Mkuu na Ofisi ya Bunge kwa Mwaka 2020/2021.

Aidha, Waziri Mkuu amesema hadi leo mchana hapa nchini kuna wagonjwa 24 waliothibitika kuwa na ugonjwa wa Homa Kali ya Mapafu (COVID-19) ambapo watatu kati yao wamepona na kuruhusiwa kutoka hospitali, mmoja amefariki dunia na wagonjwa 20 wanaendelea vema na matibabu.

“Serikali imeendelea kuwafuatilia watu 685 waliokutana na wagonjwa hao ambapo watu 289 amemaliza siku 14 za kufuatiliwa na vipimo vyao vimethibitisha kuwa hawana maambukizi ya virusi vya Corona. Watu wengine 396 waliobaki wanaendelea kufuatiliwa ili kujiridhisha iwapo hawana maambukizi ya virusi hivyo,” amsema Waziri Mkuu Majaliwa.

Amesema hatua zinazochukuliwa katika kukabiliana na maambukizi ya virusi vya corona ni pamoja na kufanya ukaguzi (screening) kwa wageni wote wanaoingia nchini kutoka nje pamoja na kuwaweka katika uangalizi kwa siku 14.

“Ndege zetu tumezuia kufanya safari za nje, tumezuia wafanyakazi kwenda nje ya nchi,tumeimarisha mipaka sambamba na kuhakikisha wasafiri wote wanaoingia nchini wanalazimika kuwekwa chini ya uangalizi wa lazima kwa siku 14 kwa lengo la kudhibiti mienendo ya wasafiri chini ya ulinzi wa masaa 24,” amesema Majaliwa.

Waziri Mkuu amesema kutokana na umuhimu wa kuwatenga watu wanaofuatiliwa, Serikali imeagiza mikoa yote nchini itenge maeneo maalumu kwa ajili ya uangalizi na kujiridhisha iwapo hawana maambukizi.

Ameongeza kuwa hatua hiyo ni muhimu katika kudhibiti kuenea zaidi kwa maambukizi ya virusi vya Corona. Kati ya hao, wengi ni wale waliotoka nje ya nchi. Maeneo hayo yametengwa kwa nia njema na yako kwa viwango tofauti kulingana na uwezo wa kifedha wa wahusika. Yako mabweni, ziko nyumba, na vyote vimewekwa kwa kuzingatia gharama mtu anayoweza kumudu.


FacebooktwittermailFacebooktwittermail

Baadhi ya Taasisi za Umma Hazizingatii Miongozo ya Matumizi ya Fedha – CAG

Adelina Johnbosco – MAELEZO

Mdhibiti na Mkaguzi Mkuu wa Hesabu za Serikali (CAG), CPA. Charles Kichere amesema kuwa matumizi ya fedha kwa taasisi za ummma na Serikali Kuu hayazingatii mapendekezo na taratibu za miongozo iliyowekwa katika matumizi ya fedha.

Amebainisha hayo leo Jijini Dodoma wakati akizungumza na waandishi wa habari kuhusu ripoti ya ukaguzi aliyowasilisha bungeni leo Aprili 6, 2020 kwa mwaka wa fedha ulioishia tarehe 30, Juni, 2019 ambayo ni ukaguzi wa hesabu za Serikali Kuu, Mamlaka za Serikali za Mitaa, Mashirika ya Umma, Miradi ya maendeleo na vyama vya siasa.

‘’Kati ya mapendekezo 266 yaliyotolewa miaka iliyopita, mapendekezo 82 ambayo ni asilimia 31 pekee yalitekelezwa kikamilifu, mapendekezo 95 asilimia 36 utekelezaji wake unaendelea, na mapendekezo 67 sawa na aslimia 25 utekelezaji wake haujaanza hadi sasa huku mapendekezo 22 sawa na asilimia 8 yamepitwa na wakati ,‘’ amebainisha Kichere

Read more


FacebooktwittermailFacebooktwittermail

Kazi Inaendelea, Dkt. Abbasi Akabidhi Gari Idara ya Habari – MAELEZO Dodoma

Katibu Mkuu wa Wizara ya Habari, Utamaduni, Sanaa na Michezo, Dkt. Hassan Abbasi akimkabidhi ufunguo wa gari Kaimu Mkurugenzi wa Idara ya Habari –MAELEZO, Rodney Thadeus wakati wa makabidhiano ya gari hilo  jijini Dodoma. Idara ya Habari –MAELEZO imekabidhiwa gari hilo aina ya Noah ili kuongeza ufanisi wa shughuli za idara hiyo.

Katibu Mkuu wa Wizara ya Habari, Utamaduni, Sanaa na Michezo, Dkt. Hassan Abbasi akikagua gari wakati wa kukabidhi gari hilo kwa Kaimu Mkurugenzi wa Idara ya Habari – MAELEZO, Rodney Thadeus  jijini Dodoma. Gari hilo aina ya Noah limekabidhi kwa Idara ya Habari – MAELEZO ili kuongeza ufanisi wa Idara hiyo.

Kaimu Mkurugenzi wa Idara ya Habari –MAELEZO, Rodney Thadeus (kulia) na Afisa Tawala wa Wizara ya Habari, Utamaduni,Sanaa na Michezo, Mussa Varisanga wakiangalia namna Katibu Mkuu wa Wizara ya Habari, Utamaduni, Sanaa na Michezo, Dkt. Hassan Abbasi akiendesha gari wakati wa kukabidhi gari hilo kwa Kaimu Mkurugenzi wa Idara ya Habari –MAELEZO, Rodney Thadeus  jijini Dodoma. Idara ya Habari –MAELEZO imekabidhiwa gari hilo aina ya Noah ili kuongeza ufanisi wa shughuli za idara hiyo.

Afisa Tawala wa Wizara ya Habari, Utamaduni,Sanaa na Michezo, Mussa Varisanga (katikati) akielezea jambo wakati wa makabidhiano ya gari baina ya Katibu Mkuu wa Wizara ya Habari, Utamaduni, Sanaa na Michezo, Dkt. Hassan Abbasi(kushoto) na Kaimu Mkurugenzi wa Idara ya Habari –MAELEZO, Rodney Thadeus (kulia) leo jijini Dodoma. Idara ya Habari –MAELEZO imekabidhiwa gari hilo aina ya Noah ili kuongeza ufani wa shughuli za idara hiyo.


FacebooktwittermailFacebooktwittermail

Zoezi la Uhakiki Vyama vya Siasa Lahitimishwa

Katibu Mkuu wa Chama cha Mapinduzi (CCM), Dkt. Bashiru Ally Kakurwa akielezea jambo mbele ya ugeni kutoka Ofisi ya Msajili wa Vyama vya Siasa (ORPP) walipomtembelea ofisini kwake wakati wa zoezi la uhakiki wa uhai wa vyama vya siasa vyenye usajili wa kudumu katika Ofisi ya Makao Mkuu ya Chama hicho jijini Dodoma leo. Kutoka kushoto ni Katibu wa NEC – Oganaizesheni wa Chama cha Mapinduzi (CCM), Ndg. Pereira Ami Silima, Mkuu wa Kitengo cha Usajili wa Vyama vya Siasa, Muhidin Mapeyo na Msajili Msaidizi wa Vyama vya Siasa, Sisty Nyahoza.

Katibu Mkuu wa Chama cha Mapinduzi (CCM), Dkt. Bashiru Ally Kakurwa (kulia) akiteta jambo na Msajili Msaidizi wa Vyama vya Siasa (ARPP), Sisty Nyahoza wakati wa zoezi la uhakiki wa uhai wa vyama vya siasa vyenye usajili wa kudumu katika Ofisi ya Makao Mkuu ya Chama hicho jijini Dodoma leo.

Katibu wa NEC –Idara ya Oganaizesheni ya Chama cha Mapinduzi (CCM), Ndg. Pereila Ami Silima akizungumza wakati wa zoezi la uhakiki wa uhai wa vyama vya siasa vyenye usajili wa kudumu katika Ofisi ya Makao Mkuu ya chama hicho jijini Dodoma leo. Ofisi ya Msajili wa Vyama vya Siasa (ORPP) imeendesha zoezi la uhakiki ikiwa ni utaratibu wa kawaida wa kukagua uhai wa vyama vya siasa nchini.

Katibu Msaidizi Mkuu Idara ya Oganaizesheni ya Chama cha Mapinduzi (CCM), Mwangi Rajab Kundya akitoa maelezo wakati wa zoezi la uhakiki wa uhai wa vyama vya siasa vyenye usajili wa kudumu katika Ofisi ya Makao Mkuu ya chama hicho jijini Dodoma leo. Ofisi ya Msajili wa Vyama vya Siasa (ORPP) imeendesha zoezi la uhakiki ikiwa ni utaratibu wa kawaida wa kukagua uhai wa vyama vya siasa nchini.

Kutoka kushoto ni Msajili Msaidizi wa Vyama vya Siasa, Sisty Nyahoza,Mkuu wa Kitengo cha Usajili wa Vyama vya Siasa, Muhidin Mapeyo na Kaimu Mkuu wa Kitengo cha Mawasiliano na Elimu ya Uraia mersin escort bayan canlı bahis siteleri sex hattı canlı bahis toka Ofisi ya Msajili wa Vyama vya Siasa (ORPP), Abuu Kimario wakikagua baadhi ya nyaraka za usajili wa Chama cha Mapinduzi (CCM) wakati wa zoezi la uhakiki wa uhai wa vyama vya siasa siasa vyenye usajili wa kudumu katika ofisi za Makao Makuu ya chama hicho leo jijini Dodoma.

Mkuu wa Kitengo cha Sheria wa Chama cha Mapinduzi (CCM), Goodluck Mwangomango akifafanua jambo mbele ya ujumbe kutoka Ofisi ya Masjili wa Vyama vya Siasa (ORPP) wakati wa zoezi la uhakiki wa uhai wa vyama vya siasa vyenye usajili wa kudumu katika ofisi za Makao Makuu ya chama hicho leo jijini Dodoma.Kushoto ni Afisa Tehama wa CCM, Magoti Marwa na kulia ni Katibu Msaidizi Mkuu – Idara ya Mambo ya Siasa na Uhusiano wa Kimataifa wa CCM, Christopher Magala.

Katibu Mkuu wa Chama Cha Mapinduzi (CCM), Dkt. Bashiru Ally Kakurwa akionyesha hati za usajili na bodi ya wadhamini za CCM wakati wa zoezi la uhakiki wa uhai wa vyama vya siasa vyenye usajili wa kudumu katika ofisi za Makao Makuu ya chama hicho leo jijini Dodoma. Kanuni za Sheria ya Usajili wa Vyama vya Siasa ya Mwaka 2019 inataka hati hizo kutundikwa ukutani katika ofisi za vyama hivyo.

Katibu Msaidizi Mkuu – Idara ya Uchumi na Fedha, Victor Septemba Patrick akifafanua jambo mbele ya ujumbe kutoka Ofisi ya Masjili wa Vyama vya Siasa (ORPP) wakati wa zoezi la uhakiki wa uhai wa vyama vya siasa vyenye usajili wa kudumu katika ofisi za Makao Makuu ya chama hicho leo jijini Dodoma.

Msajili Msaidizi wa Vyama vya Siasa (ARPP), Sisty Nyahoza akifurahia jambo na Waziri Mkuu Mstaafu wa Awamu ya Nne na Mjumbe wa Kamati Kuu ya CCM, Mhe. Mizengo Pinda walipokutana katika Ofisi za Makao Makuu ya CCM jijini Dodoma leo walipofika katika ofisi hizo kwa ajili ya zoezi la uhakiki wa uhai wa vyama vya siasa vyenye usajili wa kudumu katika ofisi za Makao Makuu ya chama hicho leo jijini Dodoma. (Picha na Ofisi ya Msajili wa Vyama vya Siasa -ORPP).

Katibu Mkuu wa Chama Cha Mapinduzi (CCM), Dkt. Bashiru Ally Kakurwa akielezea jambo wajumbe kutoka Ofisi ya Msajili wa Vyama vya Siasa (ORPP) MARA mara baada ya kumaliza zoezi la uhakiki wa uhai wa vyama vya siasa vyenye usajili wa kudumu katika ofisi za Makao Makuu ya chama hicho leo jijini Dodoma.


FacebooktwittermailFacebooktwittermail

Serikali Yaongeza Tija NIC kwa Kukomesha Ubadhirifu

Na. Peter Haule na Saidina Msangi, WFM, Dodoma.

Naibu Waziri wa Fedha na Mipango Dkt. Ashatu Kijaji, amesema hakuna ubadhirifu unaoendelea katika Shirika la Bima la Taifa (NIC) baada ya Serikali kuchukua hatua kadhaa ikiwemo kubadili uongozi wa Shirika hilo pamoja na kuimarisha mifumo yake ya ukusanyaji mapato.

Hayo yameelezwa Bungeni Jijini Dodoma na Dkt. Kijaji, wakati akijibu swali la msingi la Mbunge wa Ubungo. Mhe. Saed Kubenea, aliyetaka kujua ukweli kuhusu kuendelea kwa ubadhirifu katika Shirika la NIC na mpango wa Serikali wa kulisaidia shirika hilo kukabiliana na ushindani wa kibiashara.

Read more


FacebooktwittermailFacebooktwittermail

Kinondoni Yapuliza Dawa Hoteli za Kitalii Kudhibiti Corona

Kaimu Mganga Mkuu wa Halmashauri ya Manispaa ya Kinondoni, Dkt. Abduli Hemed (mwenyekoti la bluu) akihakiki gari la zimamoto kabla ya kuanza kwa zoezi la umwagiliaji dawa katika hotel zakitalii eneo la Masaki.

Halmashauri ya Manispaa ya Kinondoni imeendelea kupambana vikali kuthibiti kuenea kwa virusi vya COVID 19 (Corona) kwa kupuliza dawa katika hotel za kitalii zilizopo katika Halmashauri hiyo.

Hatua hiyo ni muendelezo wa mkakati uliowekwa na Mkuu wa Wilaya hiyo Mhe. Daniel Chongolo, Mkurugenzi Aron Kagurumjuli, Mstahiki Meya Benjamini Sitta, pamoja na Mganga Mkuu, Samweli Laizar kwa pamoja katika kuhakikisha kuwa  maambukizi ya  virusi hivyo hayasambai kwa wananchi na hivyo wanaendelea kuwa salama.

Read more


FacebooktwittermailFacebooktwittermail

Waratibu wa TARURA wa Mikoa Watakiwa Kufanya Ukaguzi wa Madaraja na Barabara Mara kwa Mara

Mtendaji Mkuu wa Wakala wa Barabara za Vijijini na Mijini (TARURA), Mhandisi Victor Seff akiwa kwenye kikao kazi na Waratibu wa TARURA wa Mikoakwenye kikao kilichofanyika katika ukumbi wa Mikutano wa TARURA Makao Makuu- Mtumba jijini Dodoma hivi karibuni.

Mtendaji Mkuu wa Wakala wa Barabara za Vijijini na Mijini (TARURA), Mhandisi Victor Seff amewataka Waratibu wote wa TARURA nchini kufanya ukaguzi wa mara kwa mara katika barabara na madaraja ili kubaini maeneo yanayohitaji ukarabati na kuyafanyia kazi kabla ya kuleta madhara.

Read more


FacebooktwittermailFacebooktwittermail

Taarifa kwa Umma

Mkuu wa Jeshi la Zimamoto na Uokoaji, (CGF) John W. Masunga, amefanya mabadiliko ya baadhi ya Makamanda wa Mikoa.

Makamanda walioguswa na mabadiliko hayo ni Kamishna Msaidizi Mwandamizi wa Zimamoto na Uokoaji (SACF) ABDALLAH MAUNDU anakwenda kuwa (RFO) Kamanda wa Zimamoto na Uokoaji Mkoa wa Kigoma, kabla ya nafasi hii alikuwa Makao Makuu Dodoma.

Read more


FacebooktwittermailFacebooktwittermail

Wasafiri 84 Wawekwa Karantini Tunduma

Na Mwandishi Wetu

Katika kutekeleza maagizo ya Serikali ya kuhakikisha wasafiri wote wanaotoka katika nchi zenye maambukizi zaidi ya Virusi vya Corona wanatengwa, jumla ya wasafiri 84 kutoka nchi ya Afrika Kusini wamewekwa karantini kwa muda wa siku 14 katika Halmashauri ya Mji wa Tunduma.

Mkuu wa Mkoa wa Songwe, Brig. Jen. Nicodemus Mwangela ameyasema hayo alipofanya ukaguzi wa maandalizi ya utayari wa kupambana na ugonjwa wa Virusi vya Corona  kwa Mkoa wa Songwe hususani maeneo ya mipakani yaani katika Halmashauri ya Wilaya ya Ileje na Halmashauri ya Mji wa Tunduma.

Read more


FacebooktwittermailFacebooktwittermail

Endesheni Siasa za Kistaarabu Uchaguzi Mkuu- Majaliwa

Na Jonas Kamaleki, Dodoma

Waziri Mkuu wa Jamhuri ya Muungano wa Tanzania, Mhe. Kassim Majaliwa amesema katika kuelekea kwenye Uchaguzi Mkuu ni vema viongozi wa vyama vya siasa nchini wakaonesha mfano wa kuendesha siasa za kistaarabu zenye lengo la kuwaunganisha watanzania na siyo kuwatenganisha.

Ameyasema hayo leo wakati akiwasilisha Bungeni hotuba ya Mapitio na Mwelekeo wa Kazi za Serikali na Makadirio ya Mapato na Matumizi ya Fedha za Ofisi ya Waziri Mkuu na Ofisi ya Bunge kwa mwaka 2020/2021, Bungeni jijini Dodoma

Read more


FacebooktwittermailFacebooktwittermail