Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Makamu wa Rais Ashiriki Majadiliano na Viongozi Wakuu wa Afrika Uswisi

Makamu wa Rais amesema Tanzania inaendelea kuhakikisha wananchi wanaelewa fursa zilizopo katika eneo huru la biashara barani Afrika pamoja na kuimarisha sekta ya uwekezaji kwa kuingia ubia nawadau mbalimbali ndani na nje ya bara la Afrika ilikuweza kufanya biashara katika ukanda huo huru kwa tija zaidi.

Katika hatua nyingine, Makamu wa Rais ameshiriki katika mjadala uliohusu ufufuaji uchumi pamoja na hatua zinazoweza kuchukuliwa katika kurejesha amani na mtangamano duniani ambapo viongozi hao wamejadili namna ya kushirikiana katika kukabiliana kutatua matatizo ya kisiasa yanayopelekea vita na migogoro. 

Aidha Makamu wa Rais amesema ni muhimu dunia inapokabiliana na changamoto kama vita kutosahau changamoto zingine ikiwemo upungufu wa chakula pamoja na kuhakikisha Afrika inashirikishwa katika maamuzi mbalimbali ya dunia. Amesema Afrika ina fursa kubwa ya kuchangia katika kuleta amani na suluhisho la upatikanaji wa chakula kama itaungana na mataifa mengine kwa kutumia rasilimali zilizopo.

Makamu wa Rais yupo Davos nchini Uswisi kumwakilisha Rais wa Jamhuri yaMuungano wa Tanzania, Mhe. Samia Suluhu Hassan katika mkutano wa Jukwaa la Uchumi duniani unaoshirikisha wakuu wa nchi, wakuu wa taasisi na mashirika ya kimataifa pamoja na wafanyabiashara.

9 thoughts on “Makamu wa Rais Ashiriki Majadiliano na Viongozi Wakuu wa Afrika Uswisi

Leave a Reply

Your email address will not be published. Required fields are marked *

ev eşyası depolama