Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

Rais Magufuli Awatunuku Kamisheni Maafisa Wapya 197 wa Jeshi

News 30 Comments

Amiri Jeshi Mkuu na Rais wa Jamhuri ya Muungano wa Tanzania Dkt. John Pombe Magufuli akikagua gwaride la Maafisa wapya wa Jeshi la Ulinzi pamoja na baadhi kutoka nchi marafiki kabla ya kuwatunuku Kamisheni katika viwanja vya Ikulu jijini Dar es Salaam (Picha na Ismail Ngayonga – MAELEZO).

Na. Fatm Salum

Rais John Pombe Magufuli amewatunuku kamisheni Maafisa wapya 197 wa Jeshi la Wananchi wa Tanzania (JWTZ) katika sherehe zilizofanyika leo ikulu jijini Dar es Salaam.

Maafisa hao wapya wa Jeshi kundi la 62 la mwaka 2017, wamehitimu mafunzo ya kijeshi katika Chuo cha Mafunzo ya Jeshi Monduli kilichopo mkoani Arusha.

Amiri Jeshi Mkuu na Rais wa Jamhuri ya Muungano wa Tanzania Dkt. John Pombe Magufuli akiwatunuku Kamisheni Maafisa wapya 192 wa Jeshi la Ulinzi la Wananchi wa Tanzania pamoja na Maafisa kadhaa kutoka nchi marafiki katika Viwanja vya Ikulu jijini Dar es Salaam.

Maafisa waliotunikiwa kamisheni wanaume ni 169 na wanawake 28 wakiwemo Maafisa wageni 14 waliotoka nchi za jirani na nchi rafiki na Tanzania.

Aidha katika sherehe hizo Rais Magufuli alikagua gwaride na kutoa zawadi kwa Maafisa waliofaulu vizuri zaidi kwenye kozi mbalimbali wakati wa mafunzo yao.

Mafisa wapya wa Jeshi la Ulinzi wakivalishana vyeo mara baada ya Kutunukiwa Kamisheni na Amiri Jeshi Mkuu na Rais wa Jamhuri ya Muungano wa Tanzania Dkt. John Pombe Magufuli katika viwanja vya Ikulu jijini Dar es Salaam.

Chuo cha Mafunzo ya Jeshi Monduli kilianzishwa mwaka 1969 na Hayati Mwl. Julius Kambarage Nyerere eneo la Kurasini Jijini Dar es salaam na mwaka 1976 kilihamishiwa wilayani Monduli mkoani Arusha.

30 thoughts on “Rais Magufuli Awatunuku Kamisheni Maafisa Wapya 197 wa Jeshi”

Leave a Reply

Your email address will not be published. Required fields are marked *