Karibuni kwenye Blogu Rasmi ya Serikali ya Jamhuri ya Muungano wa Tanzania. Huu ni Uwanja wa Wananchi Kupata Taarifa Mbalimbali za Serikali na Masuala Mengine ya Kijamii, Kisiasa, na Kiuchumi. Blogu hii inaratibiwa na Ofisi ya Msemaji Mkuu wa Serikali kupitia Idara ya Habari (MAELEZO).

HESLB yakusanya TZS 94.01 bilioni kati ya Julai – Desemba, 2018

Mkurugenzi Mtendaji wa HESLB Abdul-Razaq Badru (katikati) akiongea jijini Dar es salaam leo, Jumanne, jJn. 15, 2019 wakati wa uzinduzi malipo ya mikopo ya elimu ya juu kupitia Mfumo wa Serikali wa Ukusanyaji Mapato (GePG). Kulia ni Mwakilishi wa Wizara ya Fedha, Kitengo cha GePG Basil Baligumya na kueshoto ni Kaimu Mkurugenzi wa Urejeshaji Mikopo wa HESLB Ignatus Oscar (Picha na HESLB).

 

Bodi ya Mikopo ya Wanafunzi wa Elimu ya Juu (HESLB) imekusanya jumla ya TZS 94.01 bilioni kutoka kwa wadaiwa wa mikopo ya elimu ya juu katika kipindi cha Julai – Desemba, 2018 na kuvuka lengo lake la kukusanya TZS 71.4 bilioni katika kipindi hicho.

Mkurugenzi Mtendaji wa HESLB Abdul-Razaq Badru (wa pili kushoto), Mwakilishi wa Wizara ya Fedha, Basil Baligumya (kushoto) na wawakilishi wa benki za CRDB (Goodluck Nkini), NMB (Taina Kikoti) na TPB (Deo Kwiyukwa) wakishiriki katika uzinduzi malipo ya mikopo ya elimu ya juu kupitia Mfumo wa Serikali wa Ukusanyaji Mapato (GePG). hafla hiyo imefanyika jijini Dar es salaam leo, Jumanne, Jan. 15, 2019 (Picha na HESLB).

Mkurugenzi Mtendaji wa HESLB Abdul-Razaq Badru amesema leo jijini Dar es salaam kuwa makusanyo hayo yametoka kwa jumla ya wanufaika zaidi 198,659 ambao wamejiari au kuajiriwa katika sekta binafsi na umma. Read more


FacebooktwittermailFacebooktwittermail

Rais Dkt. John Pombe Magufuli Asitisha Zoezi La Kuondoa Vijiji Na Vitongoji Vilivyopo Ndani Ya Maeneo Ya Hifadhi. Januari 15,2019

Rais wa Jamhuri ya Muungano wa Tanzania Dkt. John Pombe Magufuli akizungumza na Waziri wa Maliasili na Utalii Dkt.Hamis Kigwangala, Katibu Mkuu Kiongozi Balozi Dkt.John Kijazi,Naibu Waziri wa Mifugo na Uvuvi Abdallah Ulega,Katibu Mkuu TAMISEMI Mhandisi Joseph Nyamuhanga pamoja na Katibu Mkuu Wizara ya Ardhi Doroth Mwanyika kuhusu kusitisha zoezi la kuwaondoa Wananchi wanaoishi katika Vijiji na Vitongoji vilivyopo katika maeneo ya Hifadhi. Ikulu Jijini Dar es salaam leo Januari 15,2019

 

Rais wa Jamhuri ya Muungano wa Tanzania Dkt. John Pombe Magufuli akizungumza na Waziri wa Maliasili na Utalii Dkt.Hamis Kigwangala, Katibu Mkuu Kiongozi Balozi Dkt.John Kijazi,Naibu Waziri wa Mifugo na Uvuvi Abdallah Ulega,Katibu Mkuu TAMISEMI Mhandisi Joseph Nyamuhanga pamoja na Katibu Mkuu Wizara ya Ardhi Doroth Mwanyika  kuhusu kusitisha zoezi la kuwaondoa Wananchi wanaoishi katika Vijiji na Vitongoji vilivyopo katika maeneo ya Hifadhi. Ikulu Jijini Dar es salaam leo Januari 15,2019

Rais wa Jamhuri ya Muungano wa Tanzania Dkt. John Pombe Magufuli akifurahi jambo na Waziri wa Maliasili na Utalii Dkt.Hamis Kigwangala, Katibu Mkuu Kiongozi Balozi Dkt.John Kijazi,Naibu Waziri wa Mifugo na Uvuvi Abdallah Ulega,Katibu Mkuu TAMISEMI Mhandisi Joseph Nyamuhanga pamoja na Katibu Mkuu Wizara ya Ardhi Doroth Mwanyika  mara baada ya kumaliza mazungumzo na viongozi hao  kuhusu kusitisha zoezi la kuwaondoa Wananchi wanaoishi katika Vijiji na Vitongoji vilivyopo katika maeneo ya Hifadhi. Ikulu Jijini Dar es salaam leo Januari 15,2019

Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Waziri wa Maliasili na Utalii Dkt.Hamis Kigwangala, Katibu Mkuu Kiongozi Balozi Dkt.John Kijazi, Naibu Waziri wa Mifugo na Uvuvi Abdallah Ulega, Katibu Mkuu TAMISEMI Mhandisi Joseph Nyamuhanga pamoja na Katibu Mkuu Wizara ya Ardhi Doroth Mwanyika  mara baada ya kumaliza mazungumzo na viongozi hao  kuhusu kusitisha zoezi la kuwaondoa Wananchi wanaoishi katika Vijiji na Vitongoji vilivyopo katika Maeneo ya Hifadhi za Taifa. Ikulu Jijini Dar es salaam leo Januari 15,2019


FacebooktwittermailFacebooktwittermail

Waziri Mhagama Akerwa na Sekta Binafsi ya Ulinzi Kuongoza kwa Migogoro Mahala pa Kazi

Waziri wa Nchi Ofisi ya Waziri Mkuu, (Sera, Bunge, Kazi, Ajira, Vijana na Watu wenye Ulemavu), Mhe. Jenista Mhagama akiongea, wakati wa kikao cha Baraza la wafanyakazi wa Tume ya Usuluhishi na Uamuzi (hawapo pichani) kilichowakutanisha Wasuluhishi na waamuzi wa migogoro ya kikazi nchi nzima, mjini Morogoro, tarehe 14 Januari, 2019.

Waziri wa  Nchi Ofisi ya Waziri Mkuu, (Sera, Bunge, Kazi, Ajira, Vijana na Watu wenye Ulemavu), Mhe. Jenista Mhagama ameiagiza Tume ya Usuluhishi na Uamuzi, kuweka mpango Maalum wa kuhakikisha migogoro   katika sekta  binafsi ya Ulinzi haizalishwi tena kwa wingi kwani inasababisha kutumika vibaya kwa rasilimali muda kati ya mwajiri na Mfanyakazi hali inayopelekea kuchelewesha Maendeleo.

Waziri Mhagama amebainisha sekta  nyingine zinazoongoza kuwa na migogoro mahala pa kazi   kuwa ni  Sekta  ya Ujenzi na Sekta  ya Elimu. Aidha, ameitaka Tume hiyo kufanya utafiti kwa sekta   zote zinazoongoza kwa migogoro ya kikazi ili kubaini chanzo cha migogoro hiyo na kuandaa Mkakati Maalum wa kuishughulikia. Read more


FacebooktwittermailFacebooktwittermail

Nyongo ataka wanaomiliki migodi kwa kuvamia wasimame mara moja

Naibu Waziri wa Madini Stanslaus Nyongo akisalimiana na viongozi mbalimbali wa Mkoa wa Iringa mara baada ya kuwasili mkoani humo kwa ziara ya kukagua shughuli za uchimbaji madini. Katikati ni Mkuu wa Wilaya ya Iringa, Richard Kasesela.

Na Asteria Muhozya, Iringa

Naibu Waziri wa Madini Stanslaus Nyongo amewataka wachimbaji wanaomiliki migodi kwa kuvamia maeneo bila kuwa na leseni, wasimame mara moja.

Naibu Waziri Nyongo ametoa kauli hiyo katika  mgodi wa Ulata kijiji cha Ulata wilayani Iringa , wakati wa ziara yake iliyolenga  kukagua shughuli za uchimbaji madini ikiwemo kusikiliza na kutatua kero za wachimbaji wadogo.

Aidha, kauli ya Naibu Waziri inafuatia mgogoro uliopo katika mgodi huo kati ya  mwenye leseni ya kumiliki mgodi huo Ibrahim Msigwa , wachimbaji wadogo wanaochimba katika eneo hilo na  Mansoor Almasi anayetajwa kuwa mmiliki mwingine na mnunuzi wa madini  ya dhahabu yanayochimbwa mgodini hapo ambaye kwa mujibu wa taratibu,  hana  vibali  vinavyomruhusu kufanya shughuli hizo.

Akilenga kutatua na kuumaliza mgogoro uliopo mgodini hapo, Naibu Waziri amemtaka Mansoor Almas, kufika katika ofisi ya Mkuu wa Wilaya ya Iringa ifikapo Januari 15, na endapo atakiuka agizo hilo atachukuliwa hatua kali za kisheria.

“ Sisi kama serikali ambao ndiyo tunatoa vibali tunamtambua bwana Msigwa kuwa ndiye mmiliki halali. Nataka kuonana na huyu Mansour na yoyote anayedharau serikali tutakula nae sahani moja,” alisisitiza Naibu Waziri.

Naibu Waziri alisema lengo la kutaka Mansour kufika wilayani hapo ni kutaka kusikia kutoka pande zote ili  mgogoro huo uweze kutatuliwa na kufika mwisho jambo ambalo litawezesha  shughuli za uchimbaji katika eneo husika kuendelea vizuri  ili pande zote yaani serikali na wachimbaji wanufaike.

Naibu Waziri wa Madini Stanslaus Nyongo akizungumza jambo wakati wa kikao chake na watendaji wa Mkoa wa Iringa kabla ya kuanza ziara ya kukagua shughuli wa wachimbaji wadogo katika mgodi wa Ulata.

Akifafanua kuhusu suala la shughuli za uchimbaji, Naibu Waziri amesisitiza kuwa, ili kuwa mchimbaji halali ni lazima kuwa na kibali kutoka serikalini na kuongeza kwamba, ni vigumu kuomba kwenye leseni ya mtu mwingine.

Pia, amewataka wachimbaji wadogo kutoshirikiana na wale wote wanaopindisha  utekelezaji wa sheria na taratibu katika shughuli za uchimbaji madini na badala yake washirikiane na wale wenye vibali vya umiliki  kutoka serikalini

Katibu Tawala wa Mkoa wa Iringa, Happines Seneda, akizungumza jambo wakati wa kikao kati ya Naibu Waziri na uongozi wa Mkoa huo.

Pia, Naibu Waziri Nyongo aliwataka wale wote wasiokuwa na uwezo wa kuchimba kuingia mikataba na wachimbaji wengine wenye uwezo ili kuwezesha lengo la kumiliki leseni kutimia kwa kuhakikisha kwamba zinafanyiwa kazi. “ unaweza kuingia mkataba na mchimbaji  wengine wakiwemo wa kati

“ Nataka muelewe kwamba, mnaochimba mnachimba kwa niaba ya watanzania kwa sababu watanzania ambao siyo wachimbaji. Hawa wanafaidika kutokana na kodi na mrabaha unaolipwa kutokana na shughuli zenu, kwa kuwa fedha hizo zinatumika katika kutoa huduma nyingine,” alisema Nyongo.

Awali, wachimbaji hao waliwasilisha kero kwa Naibu Waziri kuhusu mgogoro wa umiliki wa mgodi huo umesababisha shughuli za uchimbaji mgodini hapo kuwa mgumu suala ambalo linasababisha ugumu wa kupata kipato cha kujikimu na kuendesha familia zao.

Wachimbaji wao walimshukuru Naibu Waziri kwa kufika kwake mgodini hapo  ambapo walipata fursa ya kueleza kero ikiwemo  suala la bei elekezi ya madini hayo ambalo walimlalamikia kuwa, wamekuwa wakiwauzia wanunuzi wa  madini hayo akiwemo Mansoor Almasi na Ibrahim Msigwa kwa kiasi cha shilingi 45,000 kwa gramu moja jambo ambalo Naibu Waziri ameeleza kuwa, atakapoonana na wahusika hao atawaeleza kuhusu suala hilo.

Naibu Waziri wa Madini Stanslaus Nyongo akikagua mazingira ya shughuli za wachimbaji wadogo katika mgodi wa Ulata kijiji cha Ulata wilayai Iringa. Naibu Waziri alifika mgodini hapo kwa ajili ya kutatua mgogoro baina ya mwekezaji na wachimbaji ikimweo pia kuzungumz na wachimbaji katika mgodi huo.

Akitoa utetezi wake kwa Naibu Waziri kuhusu kero zilizowasilishwa dhidi yake na wachimbaji hao, Msigwa amesema mazingira mabaya mgodini hapo yaliyowasilishwa na wachimbaji yanatokana na kuwepo kwa kesi mahakamani jambo ambalo linamfanya ashindwe kuendelea na shughuli za uchimbaji kama inavyompasa.

 Wakati huo, huo,  katika kikao na uongozi wa Mkoa wa Iringa, Katibu Tawala wa Mkoa huo Happines Seneda, alimweleza Naibu Waziri kuhusu umuhimu wa kuwa na Afisa Madini wa Mkoa huo badala ya kutegemea AFisa Madini wa Mkoa wa Njombe jambo ambalo ameeleza kwamba, uwepo wake mkoani humo utaongeza ufanisi katika ufuatiliaji wa shughuli za madini.

Akijibu ombi hilo, Naibu Waziri Stanslaus Nyongo alimweleza  Katibu Tawala huyo kuwa, Wizara imelenga kuhakikisha kwamba kila Mkoa unakuwa na Afisa Madini baada ya kuondolewa kwa Makamishna wa Madini wa Kanda kufuatia Mabadiliko ya Sheria ya Madini ya Mwaka 2010 na Maboresho yake ya Mwaka 2017.

Naibu Waziri Nyongo alitembelea mgodi huo Januari 14, 2019.

 

 

 

 

 


FacebooktwittermailFacebooktwittermail

Mamlaka ya mkemia mkuu wa serikali kuanzisha maaba ya vinasaba vya wanyama

Jengo la mamlaka ya maabara ya mkemia mkuu wa serikali kanda ya kaskazini-Arusha

Mamlaka ya Maabara ya Mkemia Mkuu wa Serikali, Kanda ya Kaskazini – Arusha,  ipo mbioni kuanzisha Maabara maalum Vinasaba vya wanyama ambayo itasaidia kutambua  asili ya mnyama ikiwemo wanyama waliopo ama waliokufa.
Akizungumza wakati wa ziara maalum ya Maafisa Uhusiano waliotembelea Kanda hiyo leo, Meneja Kanda ya Kaskazini Christopher Anyango abainisha kuwa kwa sasa wapo katika ukarabati wa jengo ambalo Maabara hiyo itakuwepo. Awali ujenzi wa jengo hilo ulisimama baada ya ufadhili wake kukoma na hivyo kuilazimu Mamlaka  kufanya ukarabati ili kujipatia sehemu ya kufanyia kazi.
“Maabara ya vinasaba vya wanyama ni muhimu sana. ukanda huu kutokana na kuwa na wanyama wengi na pia eneo la Kanda ya Kaskazini kuwa na watalii wengi ambao wanakuja kuona wanyama . Kwa sasa utaratibu unaendelea wa Kumalizia jengo hili na baadaye vitendea kazi kuwekwa “ameeleza Anyango.

Meneja Kanda ya Kaskazini Christopher Anyango(mwenye suti) akiwatembeza maofisa habari wa wizara na taasisi wa wizaravya afya wakati walipotembelea Mamlaka ya Maabara ya Mkemia Mkuu wa Serikali wakati wa kampeni ya “Tumeboresha Sekta ya Afya”ambayo imeanza kwa mikoa ya Dar es Salaam,Arusha na Kilimanjaro.

Anyango ameongeza kuwa suala la kuwatunza wanyama ili waendelee kuwepo, Ni suala la msingi na Maabara itakapokamilika hakuna sampuli zitakazosafirishwa nje ya  Kanda ya Kaskazini kwa uchunguzi.
“Pale  hitaji litakapokuwapo kwa ajili ya uchunguzi wa wanyama hawa, baasi Kazi hii itafanyika hapa hapa Arusha.” Alisema Anyango.
Aidha, ametaja faida ambazo zitapatikana kwa Nchi ni pamoja na uwepo wa data zao kwa wanyama hao ikiwemo wanyama wanaolindwa Kimataifa kama Kifaru, tembo na wanyama wengine wengi ambao wapo hatarini kutoweka.
Maabara hii inatarajiwa kuwa ya kwanza Nchini na itakuwa ndio maabara Bora kwa ukanda huu wa Afrika Mashariki.
Maabara hiyo itaweza kufanya uchunguzi kwa wanyama wote wakiwemo walio hai na waliokufa.
Aidha, wamemshukuru Serikali ya awamu ya tano ya Mhe. Rais Dk Joseph Pombe Magufuli kwa kutenga  na kuridhia kiasi  cha bajeti ya Shilingi  Milioni 950 ya kwa ajili ya kumalizia  jengo hilo.

FacebooktwittermailFacebooktwittermail

Matukio Katika Picha Maendeleo ya Ujenzi wa Ofisi za Wizara ya Habari

Waziri wa Ulinzi na Jeshi la Kujenga Taifa, Dkt. Hussein Mwinyi akisikiliza maelekezo kutoka kwa Mhandisi Hagai Mziray wa Mzinga Corporation kuhusu ramani ya jengo la Wizara ya Habari, Utamaduni, Sanaa na Michezo alipokuwa akikagua maendeleo ya ujenzi wa Ofisi za Wizara zinazojengwa na Kampuni ya Mzinga Corporation inayomilikiwa na Jeshi la Wananchi Tanzania leo jijini Dodoma.

Waziri wa Ulinzi na Jeshi la Kujenga Taifa, Dkt. Hussein Mwinyi akizungumza na Watendaji wa Kampuni ya Ujenzi ya Mzinga Corporation alipokuwa akifanya ukaguzi katika wa Ofisi zinazojengwa na Kampuni hiyo leo Ihumwa jijini Dodoma. Wizara zinazojengwa na Kampuni hiyo ni Wizara ya Habari, Utamaduni, Sanaa na Michez, Ofisi ya Waziri Mkuu (Sera, Uratibu na Bunge), Wizara ya Madini na Wizara ya Afya, Maendeleo ya Jamii, Jinsia, Wazee na Watoto.

Afisa Tawala wa Wizara ya Habari, Utamaduni, Sanaa na Michezo, Bw. Lekumock Ponja akisikiliza maelezo kutoka kwa Fundi Sanifu wa Mzinga Corporation, Keneth Wambua kuhusu maendeleo ya ujenzi wa Ofisi za Wizara hiyo wakati wa ukaguzi wa maendeleo ya ujenzi leo jijini Dodoma.

Afisa Tawala wa Wizara ya Habari, Utamaduni, Sanaa na Michezo, Bw. Lekumock Ponja akitazama ujenzi wa jengo la Ofisi ya wizara hiyo wakati wa ziara ya kukagua maendeleo ya ujenzi leo jijini Dodoma.

Afisa Tawala wa Wizara ya Habari, Utamaduni, Sanaa na Michezo, Bw. Lekumock Ponja (kushoto) akitazama mchoro wa jengo la Ofisi ya wizara hiyo wakati wa ziara ya kukagua maendeleo ya ujenzi wa Ofisi za wizara hiyo leo Ihumwa jijini Dodoma. Kutoka kulia ni Katibu Muhtasi wa Katibu Mkuu Wizara ya Habari, Utamaduni,Sana na Michezo, Bibi. Munieshi Mushi, Kaimu Mkuu wa Kitengo cha Mawasiliano Serikalini Wizara hiyo, Bi. Lorietha Laurence na Mhandisi Hagai Mziray wa Mzinga Corporation.

Baadhi ya mafundi wa Kampuni ya ujenzi ya Mzinga Corporation wakiendelea na majukumu yao ya ujenzi wa jengo la Ofisi ya Wizara ya Habari, Utamaduni, Sanaa na Michezo kama walivyokutwa leo jijini Dodoma.

Muonekano wa nje wa maendeleo ya ujenzi wa Ofisi za Wizara ya Habari, Utamaduni, Sanaa na Michezo zinazojengwa katika Mji wa Serikali Ihumwa jijini Dodoma. (Picha na: Frank Shija – MAELEZO)


FacebooktwittermailFacebooktwittermail

Mawaziri Watano Watembelea Mradi wa Kufua Umeme Stiegler’s Gorge

Waziri wa Nyumba, Ardhi na Maendeleo ya Makazi, Mhe. William Lukuvi akiwa ameshika moja ya nguzo za umeme zilizotengenezwa kwa zege yenye urefu wa mita 17 ambazo zimewekwa katika Pori la Akiba la Selous ili wanyama kama vile tembo na twiga waziweze kuziangusha wakati Mawaziri watano walipofanya ziara katika mradi huo wa kufua umeme wa mto Rufiji mkoani Morogoro. Wengine wanaoangalia ni mawaziri na makatibu wakuu.

Na.Lusungu Helela – Morogoro

Serikali imesema maandalizi ya miundombinu wezeshi kabla ya kumkabidhi Mkandarasi aliyepewa kazi katika Mradi wa kufua umeme wa Mto Rufiji tayari imekamilika kwa asilimia themanini.

Miundombinu hiyo ni pamoja na maji, umeme, barabara pamoja na  nyumba za kukaa wafanyakazi.

Read more


FacebooktwittermailFacebooktwittermail

Ujenzi Mradi wa Umeme Rufiji Kuanza Mwezi Juni Mwaka Huu

Miundombinu ya reli katika Kituo cha Fuga wilayani Rufiji mkoani Pwani ambayo inaboreshwa ili kuweza kutumika kushusha mizigo wakati wa utekelezaji wa mradi wa umeme wa Rufiji.

Na Teresia Mhagama, Pwani

 

Ujenzi wa mradi wa umeme wa Rufiji utakaozalisha  megawati 2115 unatarajiwa kuanza rasmi tarehe 15 mwezi Juni mwaka huu.

 

Hayo yalielezwa jana na Waziri wa Nishati, Dkt Medard Kalemani katika eneo utakapotekelezwa mradi huo wilayani Rufiji mkoani Pwani mara baada ya kukagua  kazi za ujenzi wa miundombinu wezeshi ya mradi huo ikiwemo barabara, umeme, maji na reli.

 

Katika ziara hiyo, Waziri wa Nishati aliambatana na Waziri wa Ardhi, Nyumba na Maendeleo ya Makazi, William Lukuvi, Naibu Waziri wa Maliasili na Utalii, Constatine Kanyasu na Naibu Waziri wa Ujenzi, Elias Kwandikwa. Read more


FacebooktwittermailFacebooktwittermail